സഞ്ജു സാംസണ് ദേശീയ ടീമിന്റെ നായകനായി അരങ്ങേറിയ മത്സരത്തിൽ ഇന്ത്യ എ ടീമിന് തകർപ്പൻ ജയം
Sep 22, 2022, 16:34 IST
ചെന്നൈ: സഞ്ജു സാംസണ് ദേശീയ ടീമിന്റെ നായകനായി അരങ്ങേറിയ മത്സരത്തിൽ ഇന്ത്യ എ ടീമിന് തകർപ്പൻ ജയം. ന്യൂസിലൻഡ് എ ടീമിനെ ഏഴ് വിക്കറ്റിനാണ് സഞ്ജുവും കൂട്ടരും തകർത്തത്. ഈ ജയത്തോടെ മൂന്ന് മത്സര പരമ്പരയിൽ ഇന്ത്യ മുന്നിലെത്തിയിരിക്കുകയാണ്.
ടോസ് നേടി ആദ്യം ബാറ്റ് ചെയ്ത കിവീസ് 40.2 ഓവറിൽ 167 റണ്സിന് പുറത്തായിരുന്നു. നാല് വിക്കറ്റ് വീഴ്ത്തിയ ഷർദുൽ ഠാക്കൂറും മൂന്ന് വിക്കറ്റ് വീഴ്ത്തിയ കുൽദീപ് സെന്നുമാണ് സന്ദർശകരെ തകർത്തത്. കിവീസിനായി മൈക്കിൾ റിപ്പണ് 61 റൺസും നേടി.
മറുപടി ബാറ്റിംഗിൽ 31.5 ഓവറിൽ ഇന്ത്യ അനായാസം ലക്ഷ്യത്തിലെത്തി. രജത് പാട്ടിദാർ (പുറത്താകാതെ 45), ഋതുരാജ് ഗെയ്ക്വാദ് (41), രാഹുൽ ത്രിപാഠി (31), ക്യാപ്റ്റൻ സഞ്ജു സാംസണ് (പുറത്താകാതെ 29) എന്നിവരാണ് ഇന്ത്യയ്ക്കായി തിളങ്ങിയത്.