തമിഴ്നാട്ടിലും കർണാടകയിലും ശക്തമായ മഴ; മേട്ടൂർ ഡാം തുറന്നു, കാവേരി തീരത്ത് ജാ​ഗ്രത നിർദേശം

rain
 ബെം​ഗളൂരു: കേരളത്തിന് പുറമെ തമിഴ്നാട്ടിലും കർണാടകയിലും മഴ ശക്തമാകുന്നു. ജലനിരപ്പ് ഉയർന്നതിനെ തുടർന്ന് തമിഴ്നാട്ടിൽ മേട്ടൂർ അണക്കെട്ട് തുറന്നതിനാൽ കാവേരി നദീ തീരത്ത് ജാ​ഗ്രത നിർദേശം പുറപ്പെടുവിച്ചു.  എല്ലാ കൈവഴികളിലും നീരൊഴുക്ക് കൂടിയിട്ടുണ്ട്. തേനി, നീല​ഗിരി ജില്ലകളിൽ ഇന്ന് റെഡ് അലർട്ട് പ്രഖ്യാപിച്ചിട്ടുണ്ട്.  കർണാടകയിൽ തെക്കൻ ജില്ലകളിൽ കനത്ത മഴയാണ് ലഭിക്കുന്നത്. ഹൊക്കനഗലിലെ ക്ഷേത്രത്തിൽ കുടുങ്ങിയ വൃദ്ധ ദമ്പതികളെ അ​ഗ്നിരക്ഷാ സേനയും പൊലീസും ചേർന്ന് രക്ഷപ്പെടുത്തി. ദക്ഷിണ കന്നഡ, ഉഡുപ്പി, ചിക്കമംഗ്ലൂരു, ശിവമോഗ എന്നിവടങ്ങളിൽ റെഡ് അലർട്ട് പ്രഖ്യാപിച്ചിട്ടുണ്ട്.

Share this story