മ​ധ്യ​പ്ര​ദേ​ശി​ൽ ഒ​രു കു​ടും​ബ​ത്തി​ലെ ആ​റു​പേ​ര്‍ വെ​ടി​യേ​റ്റ് മ​രി​ച്ചു

ഭോ​പ്പാ​ല്‍: മ​ധ്യ​പ്ര​ദേ​ശി​ലെ മൊ​റേ​ന​യി​ൽ ഇ​രു കു​ടും​ബ​ങ്ങ​ൾ ത​മ്മി​ലു​ണ്ടാ​യ സം​ഘ​ർ​ഷ​ത്തി​ലും വെ​ടി​വ​യ്പ്പി​ലും ആ​റ് പേ​ർ മ​രി​ച്ചു. മ​രി​ച്ച​വ​രെ​ല്ലാം ഒ​രു കു​ടും​ബ​ത്തി​ലെ അം​ഗ​ങ്ങ​ളാ​ണ്. മ​രി​ച്ച​വ​രി​ൽ മൂ​ന്ന് സ്ത്രീ​ക​ളും ഉ​ൾ​പ്പെ​ടു​ന്നു​ണ്ട്. വെ​ടി​വ​യ്പി​ല്‍ നാ​ല് സ്ത്രീ​ക​ൾ​ ഉ​ൾ​പ്പ​ടെ അ​ഞ്ച് പേ​ർ​ക്ക് പരിക്കേറ്റിട്ടുണ്ട്.

 വെ​ള്ളി​യാ​ഴ്ച ലെ​പ ഗ്രാ​മ​ത്തി​ലാണ് സം​ഭ​വം നടന്നത്. ഇ​രു കു​ടും​ബ​ങ്ങ​ൾ ത​മ്മി​ൽ നി​ല​നി​ന്നി​രു​ന്ന പ​ക​യാ​ണ് അ​ക്ര​മ​ത്തി​ൽ ക​ലാ​ശി​ച്ച​ത്.  ഗ്രാ​മ​വാ​സി​ക​ളാ​യ ധീ​ര്‍ സിം​ഗ് തോ​മ​റി​ന്‍റേ​യും ഗ​ജേ​ന്ദ്ര സിം​ഗ് തോ​മ​റി​ന്‍റേ​യും കു​ടും​ബ​ങ്ങ​ള്‍​ക്കി​ട​യി​ല്‍ ഭൂ​മി ത​ര്‍​ക്ക​മ​ട​ക്കം പ്ര​ശ്‌​ന​ങ്ങ​ള്‍ നി​ല​നി​ന്നി​രു​ന്നു. 2013-ല്‍ ​മാ​ലി​ന്യം ത​ള്ളു​ന്ന​തു​മാ​യി ബ​ന്ധ​പ്പെ​ട്ട് ഇ​രു കു​ടും​ബ​ങ്ങ​ളും ത​മ്മി​ല്‍ ഏ​റ്റു​മു​ട്ട​ലു​ണ്ടായിരുന്നു.  അ​ന്ന് ധീ​ര്‍ സിം​ഗി​ന്‍റെ കു​ടും​ബ​ത്തി​ലെ ര​ണ്ട് പേ​ര്‍ കൊല്ലപ്പെടുകയും പി​ന്നാ​ലെ ഗ​ജേ​ന്ദ്ര സിം​ഗ് തോ​മ​റി​ന്‍റെ കു​ടും​ബം ഗ്രാ​മ​ത്തി​ല്‍ നി​ന്നും പ​ലാ​യ​നം ചെയ്യുകയും ചെയ്തു.

നാ​ളു​ക​ൾ​ക്ക് ശേ​ഷം കേ​സ് എ​ല്ലാം അ​വ​സാ​നി​പ്പി​ച്ച​തോ​ടെ ധീ​ർ സിം​ഗി​ന്‍റെ കു​ടും​ബം അ​നു​ന​യ​ത്തി​ൽ ഗ​ജേ​ന്ദ്ര സിം​ഗി​ന്‍റെ കു​ടും​ബ​ത്തെ വീ​ണ്ടും ഗ്രാ​മ​ത്തി​ലേ​ക്ക് വി​ളി​ച്ചു. പ​ലാ​യ​നം ചെ​യ്ത കു​ടും​ബം ഇ​ന്ന് ഗ്രാ​മ​ത്തി​ൽ എ​ത്തി​യ​തി​ന് പി​ന്നാ​ലെ​യാ​ണ് എ​തി​ർ കു​ടും​ബം ആ​ക്ര​മ​ണം ന​ട​ത്തി​യ​ത്. കൊ​ല്ല​പ്പെ​ട്ട​വ​രി​ൽ ഗ​ജേ​ന്ദ്ര സിം​ഗ് തോ​മ​റും ര​ണ്ട് ആ​ൺ മ​ക്ക​ളും ഉ​ള്‍​പ്പെ​ടു​ന്നു​. സം​ഭ​വ​ത്തി​ല്‍ എ​ട്ട് പേ​രെ തി​രി​ച്ച​റി​ഞ്ഞി​ട്ടു​ണ്ടെ​ന്നും അ​വ​ര്‍​ക്കെ​തി​രേ കേസെടുത്തിട്ടുണ്ടെന്നും  പോ​ലീ​സ് അ​റി​യി​ച്ചു.