ബച്ചന് ശേഷം 40 വര്‍ഷത്തിന്റെ കാത്തിരിപ്പ്; അലഹബാദ് മണ്ഡലം തിരികെപ്പിടിച്ച് കോണ്‍ഗ്രസ്
Jun 10, 2024, 20:12 IST
ലക്നൌ: നാൽപ്പത് വർഷത്തിന് ശേഷം യുപിയിലെ അലഹാബാദ് ലോക്സഭാ സീറ്റ് തിരിച്ചുപിടിച്ച് കോൺഗ്രസ് പാർട്ടി. അലഹബാദ് മണ്ഡലത്തിൽ അവസാനമായി വിജയിച്ച് കോൺഗ്രസ് നേതാവ് നടൻ അമിതാഭ് ബച്ചനായിരുന്നു. പിന്നീട് ഒരുതവണ പോലും അലഹബാദിൽ നിന്ന് ലോക്സഭയിലേക്ക് മത്സരിച്ച് ജയിക്കാൻ കോൺഗ്രസിന് സാധിച്ചില്ല. 
കോൺഗ്രസിന്റെ ഉജ്ജ്വൽ രാമൻ സിങ് ബിജെപിയുടെ നീരജ് ത്രിപാതിയെ പരാജയപ്പെടുത്തിയാണ് സീറ്റ് പിടിച്ചെടുത്തത്. 58000 വോട്ടിന്റെ ഭൂരിപക്ഷത്തിലാണ് സിങ്ങിന്റെ ജയം. ഉത്തർപ്രദേശിൽ കോൺഗ്രസ് കൂടി ഭാഗമായ ഇന്ത്യ മുന്നണി 80 ൽ 43 സീറ്റ് നേടി വലിയ മുന്നേറ്റമാണ് നടത്തിയത്.