ട്വിറ്ററില്‍ പ്രമുഖ വ്യക്തികളുടെ അക്കൗണ്ടുകള്‍ക്കുള്ള ബ്ലൂ ടിക്ക് പുനഃസ്ഥാപിച്ചു
Apr 25, 2023, 14:50 IST
ട്വിറ്ററില്‍ പ്രമുഖ വ്യക്തികളുടെ അക്കൗണ്ടുകള്‍ക്കുള്ള ബ്ലൂ ടിക്ക് പുനഃസ്ഥാപിച്ചു. ഏതാനും ദിവസങ്ങള്‍ക്ക് മുന്‍പ് സബ്സ്ക്രിപ്ഷന് എടുക്കാത്തവരുടെ അക്കൗണ്ടുകളില്‍ നിന്ന് ബ്ലൂ ബാഡ്ജ് ട്വിറ്റര്‍ നീക്കം ചെയ്തിരുന്നു. ഏപ്രിൽ 20ന് നിരവധി പേരുടെ അക്കൗണ്ടുകളിലെ നീല ടിക് നീക്കിയിരുന്നു.പ്രമുഖരുടെ പേരിലെ വ്യാജ അക്കൗണ്ടുകൾ തടയാനാണ് സൗജന്യമായി വെരിഫിക്കേഷൻ സൗകര്യമൊരുക്കിയിരുന്നത്. പണം നല്‍കി സബ്സ്ക്രിപ്ഷന് എടുക്കുന്ന ആര്‍ക്കും വെരിഫിക്കേഷന്‍ ബാഡ്ജും അധിക ഫീച്ചറുകളും നൽകുമെന്നതായിരുന്നു മസ്കിന്‍റെ നയം.ഇതോടെ, ആഗോള തലത്തില്‍ നിരവധി പ്രമുഖരുടെ അക്കൗണ്ടുകളില്‍ നിന്നും ബ്ലൂ ബാഡ്ജ് അപ്രത്യക്ഷമാവുകയായിരുന്നു. എന്നാല്‍, ദിവസങ്ങള്‍ക്ക് ശേഷം പ്രമുഖരുടെ അക്കൗണ്ടുകള്‍ക്ക് ബ്ലൂ ചെക്ക് മാര്‍ക്കുകള്‍ തിരികെ നല്‍കിയിരിക്കുകയാണ് ട്വിറ്റര്‍.