തരംഗം സൃഷ്ടിക്കാൻ 9,999 രൂപയ്ക്ക് പോക്കോ M6 Pro 5G വരുന്നു
നൂതനമായ ഉപഭോക്തൃ സാങ്കേതികവിദ്യയിൽ മുൻനിരയിലുള്ള പോക്കോ ഇന്ത്യ, M സീരീസ് ശ്രേണിയിലേക്ക് ഒരു മികവാർന്ന കൂട്ടിച്ചേർക്കലായി പോക്കോ M6 Pro 5G അവതരിപ്പിച്ചു. പോക്കോ M6 Pro 5G, 5G സ്മാർട്ട്ഫോൺ രംഗത്ത് പുതിയ മാനദണ്ഡങ്ങൾ സജ്ജമാക്കുന്നു. കരുത്തുറ്റ Snapdragon® 4 Gen 2 ചിപ്സെറ്റ് തടസ്സമില്ലാത്ത പ്രകടനം ഉറപ്പാക്കുന്നു. വിശാലമായ 6.79" ഡോട്ട് ഡിസ്പ്ലേയ്ക്കൊപ്പം, ഈ സ്മാർട്ട്ഫോൺ സമാനതകളില്ലാത്ത ആഴത്തിലുള്ള അനുഭവം നൽകുന്നു. അതേസമയം അതിന്റെ പ്രീമിയം ഗ്ലാസ്സിലുള്ള പിൻഭാഗത്തെ ഡിസൈൻ പരിഷ്കാരത്തെയും ആധുനിക സൗന്ദര്യബോധത്തെയും പ്രത്യക്ഷവത്കരിക്കുന്നു.
“സാങ്കേതിക രംഗത്തെ് ഒരു മാറ്റം സൃഷ്ടിക്കുന്ന പോക്കോ M6 Pro 5G അവതരിപ്പിക്കുന്നതിൽ ഞങ്ങൾക്ക് സന്തോഷമുണ്ട്. സാങ്കേതികവിദ്യയിൽ വിപ്ലവം സൃഷ്ടിക്കുന്ന ഈ ഫോൺ, വേഗമാർന്ന 5G കണക്റ്റിവിറ്റി, സുഗമമായ ഓൺലൈൻ ഗെയിമിംഗ്, തടസ്സമില്ലാത്ത വീഡിയോ സ്ട്രീമിംഗ്, ഫീച്ചറുകൾ നിറഞ്ഞ ക്യാമറകൾ എന്നിവ വാഗ്ദാനം ചെയ്യുന്നു. സമാനതകളില്ലാത്ത മൂല്യവും നൂതനത്വവും നൽകാനുള്ള ഞങ്ങളുടെ പ്രതിബദ്ധത പാലിച്ച്, തുലനം ചെയ്യാനാവാത്ത കണക്റ്റിവിറ്റി, പ്രകടനം, താങ്ങാനാവുന്ന വില എന്നിവ ഉപയോഗിച്ച് ഉപയോക്താക്കളെ ശാക്തീകരിക്കുക എന്നതാണ് ഞങ്ങളുടെ ലക്ഷ്യം.” ഹിമാൻഷു ടണ്ടൻ, കൺട്രി ഹെഡ്, പോക്കോ ഇന്ത്യ പുതിയ ഫോണിന്റെ അവതരണത്തെക്കുറിച്ച് പറഞ്ഞു.
അത്യാധുനിക പ്രകടനം
പോക്കോ M6 Pro 5G-യുടെ കാതലായ ഭാഗം ചലനാത്മകമായ Snapdragon® 4 Gen 2 പ്രോസസ്സറാണ്. ഇത് ഒരു അത്യാധുനിക 4nm ഫാബ്രിക്കേഷൻ പ്രോസസ്സ് ഉപയോഗിക്കുന്നു. 437K-യ്ക്ക് മുകളിലുള്ള മികച്ച AnTuTu സ്കോർ വഴി ഈ സ്മാർട്ട്ഫോൺ അനായാസമായി റിസോഴ്സ്-ഇന്റൻസീവ് ടാസ്ക്കുകളും ഗെയിമിംഗും കൈകാര്യം ചെയ്യുന്നു. 12GB* LPDDR4X RAM വരെയുള്ള മെമ്മറി ഓപ്ഷനുകൾ തടസ്സമില്ലാത്ത മൾട്ടിടാസ്കിംഗും വേഗത്തിലുള്ള ആപ്പ് ലോഞ്ച് ചെയ്യലും പ്രാപ്തമാക്കുന്നു. വേഗതയേറിയ ഉപയോക്തൃ അനുഭവത്തിനായി UFS 2.2 സ്റ്റോറേജിന്റെ പിന്തുണയുണ്ട്.
MIUI 14, ആൻഡ്രോയിഡ് 13 എന്നിവയിൽ പ്രവർത്തിക്കുന്ന പോക്കോ M6 Pro 5G, 2 പ്രധാന ആൻഡ്രോയിഡ് അപ്ഡേറ്റുകളും 3 വർഷത്തെ സുരക്ഷാ അപ്ഡേറ്റുകളും നൽകുന്ന വിശ്വസനീയമായ സോഫ്റ്റ്വെയർ അപ്ഡേറ്റ് നയത്തിന്റെ പിന്തുണയോടെ തടസ്സമില്ലാത്ത ഇന്റർഫേസ് വാഗ്ദാനം ചെയ്യുന്നു.
ആകർഷകമായ കാഴ്ചാനുഭവം
മികച്ച 6.79 ഇഞ്ച് ഡിസ്പ്ലേയുള്ള, പോക്കോ M6 Pro 5G ഈ വിഭാഗത്തിലെ ഏറ്റവും വലിയ സ്ക്രീനുകളിലൊന്ന് വാഗ്ദാനം ചെയ്യുന്നു. ഇത് ആഴത്തിലുള്ള ദൃശ്യാനുഭവം നൽകുന്നു. 90Hz അഡാപ്റ്റീവ് സിങ്ക് ഡിസ്പ്ലേ, FHD+ റെസല്യൂഷൻ, ഉയർന്ന ടച്ച് സാംപ്ലിംഗ് റേറ്റ് എന്നിവ മികവുറ്റ ദൃശ്യങ്ങൾ, മെച്ചപ്പെടുത്തിയ ബ്രൈറ്റ്നസും കോൺട്രാസ്റ്റും എന്നിവയ്ക്കായി സംയോജിപ്പിച്ച് വ്യത്യസ്തമായ വെളിച്ചങ്ങളിൽ മികച്ച ദൃശ്യപരത ഉറപ്പാക്കുന്നു. ബ്ലൂ ലൈറ്റ് പ്രസരണം കുറയ്ക്കുന്നതിനും ഉപഭോക്താവിന്റെ കണ്ണിന്റെ ആരോഗ്യം പ്രോത്സാഹിപ്പിക്കുന്നതിനും മികച്ച ഉറക്ക ഗുണനിലവാരത്തിനും ഈ ഉപകരണം SGS-ലോ ബ്ലൂ ലൈറ്റ് സാക്ഷ്യപ്പെടുത്തിയിട്ടുണ്ട്.
പ്രീമിയം രൂപകൽപ്പനയും ഈടുനിൽപ്പും
പുതിയ ഡിസൈൻ മാനദണ്ഡങ്ങൾ സജ്ജീകരിച്ചുകൊണ്ട്, പോക്കോ M6 Pro 5G, ഈ വിഭാഗത്തിൽ വളരെ അപൂർവമായി മാത്രം കാണുന്ന, ആകർഷകമായ ഒരു ഗ്ലാസ് ബാക്ക് ഡിസൈൻ അവതരിപ്പിക്കുന്നു. ഈ സ്മാർട്ട്ഫോണിന് 8.17 മി.മീ കനം മാത്രമേയുള്ളൂ എന്നത് അതിന്റെ ഭംഗിക്ക് പൂർണ്ണത നൽകുന്നു. IP53 ജലം, പൊടി പ്രതിരോധവും, ഒപ്പം Corning® Gorilla® ഗ്ലാസ് സംരക്ഷണവും, ദിവസേനയുള്ള വെല്ലുവിളികളെ ചെറുക്കുന്ന തരത്തിലാണ് ഉപകരണം നിർമ്മിച്ചിരിക്കുന്നത്.
വിപുലമായ ക്യാമറ സംവിധാനവും ബാറ്ററിയുടെ ദീർഘിച്ച ആയുസ്സും
പോക്കോ M6 Pro 5G അതിന്റെ 50-മെഗാപിക്സൽ പ്രൈമറി ക്യാമറ ഉപയോഗിച്ച് അതിശയിപ്പിക്കുന്ന ഫോട്ടോകൾ പകർത്തുന്നു, 2-മെഗാപിക്സൽ ഡെപ്തുള്ള ക്യാമറ ഉപയോഗിച്ച് ഇതിനെ മെച്ചപ്പെടുത്തിയിരിക്കുന്നു. ഇതിന്റെ f/1.8 അപ്പേർച്ചർ വെളിച്ചം കുറവുള്ളപ്പോൾ മികവോടെ പ്രവർത്തിക്കും. ചിത്രത്തിന്റെ മികച്ച നിലവാരത്തിനായി 4-ഇൻ-1 പിക്സൽ ബിന്നിംഗ് ടെക്നിക് ഉപയോഗിക്കുന്നു.
കരുത്തുറ്റ 5,000mAh ബാറ്ററിയുള്ള പോക്കോ M6 Pro 5G ദീർഘ സമയത്തെ ഉപയോഗം ഉറപ്പുനൽകുന്നു, കൂടാതെ കുറഞ്ഞ പ്രവർത്തനരഹിതമായ സമയത്തെ പിന്തുണയ്ക്കാനായി 18W ഫാസ്റ്റ് ചാർജിംഗ് പിന്തുണ ഉൾപ്പെടുത്തിയിരിക്കുന്നു.
വിലയും ലഭ്യതയും:
പോക്കോ M6 Pro 5G-യുടെ ഐസിഐസിഐ ബാങ്കിന്റെ 1,000 രൂപ കിഴിവ് ബാധകമാക്കിയതിന് ശേഷം 4+64GB വേരിയന്റിന് 9,999 രൂപയും 6+128GB വേരിയന്റിന് 11,999 രൂപയുമാണ് വില. 2023 ഓഗസ്റ്റ് 9 മുതൽ ഫോറസ്റ്റ് ഗ്രീൻ, പവർ ബ്ലാക്ക് എന്നീ നിറങ്ങളിൽ ഈ സ്മാർട്ട്ഫോൺ ഫ്ലിപ്പ്കാർട്ടിൽ ലഭ്യമാകും.
പോക്കോ M6 Pro 5G വേരിയന്റ് |
പ്രാരംഭ വില |
ഐസിഐസിഐ ബാങ്ക് കിഴിവ് |
ആദ്യ ദിന വിൽപ്പന വില |
4 GB RAM + 64 GB ROM |
10999 രൂപ |
1000 രൂപ |
9999 രൂപ |
6 GB RAM + 128 GB ROM |
12999 രൂപ |
1000 രൂപ |
11999 രൂപ |
*6GB ടർബോ RAM വരെ