വാട്സ്ആപ്പ് ഉപയോക്താക്കൾക്ക് പ്രായപരിധി നിശ്ചയിച്ച് മെറ്റ; പിന്നാലെ വിമർശനം
![ചാറ്റ് ബാക്കപ്പുകൾ ഇനി സൗജന്യമായിരിക്കില്ല; വാട്സ്ആപ്പ് പോളിസിയിൽ മാറ്റം](https://timeskerala.com/static/c1e/client/91214/uploaded/acd0835192bd3e0d6115ec3b898d82a3.jpg)
വാട്സ്ആപ്പ് ഉപയോഗിക്കുന്നതിനുള്ള പ്രായപരിധി കുറച്ച് മാതൃകമ്പനിയായ മെറ്റ. ഉപയോക്താക്കളുടെ പ്രായ പരിധി 16 ൽ നിന്ന് 13 ലേക്കാണ് വെട്ടിക്കുറച്ചത്. യുകെയിലും യൂറോപ്യൻ യൂണിയനിലും മെറ്റയുടെ പുതിയ നയം വ്യാഴാഴ്ച മുതൽ പ്രാബല്യത്തിൽ വന്നു. പ്രായപരിധി കുറച്ച് കൊണ്ടുള്ള പ്രഖ്യാപനം ഫെബ്രുവരിയിലാണ് സോഷ്യൽ മീഡിയ കമ്പനി നടത്തിയത്.
![](https://timeskerala.com/static/c1e/static/themes/16/91214/3752/images/New-Creative-.png)
ഫേസ്ബുക്കിന്റെയും ഇൻസ്റ്റാഗ്രാമിന്റെയും ഉടമസ്ഥാവകാശമുള്ള മെറ്റയുടെ പരിഷ്കാരത്തിനെതിരെ കനത്ത വിമർശനമാണ് ലോകമെങ്ങും ഉയരുന്നത്. 16-ൽ നിന്ന് 13 വയസ്സായി വയസ് കുറയ്ക്കുന്നത് തെറ്റായ തീരുമാനമാണെന്ന് വിദഗ്ധർ വിമർശിക്കുന്നു. മന:ശാസ്ത്രജ്ഞർ ഉൾപ്പടെയുള്ളവർ നൽകിയ മുന്നറിയിപ്പിനെ മെറ്റ അവഗണിച്ചതിനെതിരെ പ്രതിഷേധം പുകയുന്നു.
ലാഭം മാത്രമാണ് വാട്സ്ആപ്പ് ലക്ഷ്യമാക്കുന്നതെന്ന് സ്മാർട്ട്ഫോൺ ഫ്രീ ചൈൽഡ്ഹുഡ് ഗ്രൂപ്പ് ആരോപിച്ചു. 12 വയസ് മുതൽ ഉപയോഗിക്കാൻ അനുവദിക്കുന്നത് കുട്ടികൾക്ക് തെറ്റായ സന്ദേശം നൽകും. കുട്ടികളുടെ സുരക്ഷയ്ക്കും മാനസികാരോഗ്യത്തിനും മെറ്റ വിലകൽപ്പിക്കുന്നില്ലെന്നും അവർ കുറ്റപ്പെടുത്തി. ചൂണ്ടിക്കാട്ടി.