ഐഫോൺ വിതരണക്കാരായ ഫോക്‌സ്‌കോൺ തെലങ്കാനയിൽ നിക്ഷേപം നടത്തി; 1 ലക്ഷം തൊഴിലവസരങ്ങൾ സൃഷ്ടിക്കും
Mar 2, 2023, 21:30 IST
ഐഫോൺ വിതരണക്കാരായ ഫോക്‌സ്‌കോൺ സംസ്ഥാനത്ത് നിക്ഷേപം നടത്തുമെന്നും ഒരു ലക്ഷം തൊഴിലവസരങ്ങൾ സൃഷ്ടിക്കുമെന്നും തെലങ്കാന വ്യവസായ, ഐടി മന്ത്രി കെടി രാമറാവു അറിയിച്ചു. കെ ടി രാമറാവുവും മുഖ്യമന്ത്രി കെ ചന്ദ്രശേഖർ റാവുവും ഹോൺ ഹായ് ടെക്‌നോളജി ഗ്രൂപ്പ് (ഫോക്‌സ്‌കോൺ) ചെയർമാൻ യംഗ് ലിയുവുമായി കൂടിക്കാഴ്ച നടത്തി. ബുധനാഴ്‌ച ന്യൂഡൽഹിയിൽ പ്രധാനമന്ത്രി നരേന്ദ്രമോദിയുമായി കൂടിക്കാഴ്ച നടത്തിയ ലിയു, ഇന്ത്യയുടെ സാങ്കേതിക വിദ്യയെയും നവീകരണ ആവാസവ്യവസ്ഥയെയും കുറിച്ച് ചർച്ച നടത്തി.