ഇന്ത്യയിലെ സാംസങ് സര്‍വ്വീസ് സെന്‍ററുകള്‍ ‘പേപ്പര്‍-ഫ്രീ’ ആയിരിക്കുന്നു, 11 മാസത്തില്‍ 16 മില്യനില്‍ പരം പേപ്പര്‍ ഷീറ്റുകള്‍ ലാഭം
പുതിയ ആഗോള സംയോജിത സംവിധാനത്തിലൂടെ ഉപഭോക്താക്കൾക്ക് പേപ്പർ ഡോക്യുമെന്‍റുകൾക്ക് പരിസ്ഥിതിയോട് നീതി പുലര്‍ത്തുന്ന ഒരു ബദൽ ലഭ്യമാക്കാനുള്ള ആഗോള ഉദ്യമത്തിന്‍റെ ഭാഗമായി ഇന്ത്യയിലുടനീളമുള്ള സാംസങ് ഇന്ത്യയുടെ സര്‍വ്വീസ് സെന്‍ററുകള്‍ സുസ്ഥിരമായ സമ്പ്രദായങ്ങൾ വികസിപ്പിക്കുന്നതിനുള്ള പ്രതിബദ്ധത ശക്തിപ്പെടുത്തിക്കൊണ്ട് പേപ്പര്‍ലെസ് ആയി മാറിയിരിക്കുന്നു.
ലോകമെമ്പാടുമുള്ള 40 സാംസങ് ഇലക്ട്രോണിക്സ് അനുബന്ധ സ്ഥാപനങ്ങൾ നടത്തുന്ന 180 രാജ്യങ്ങളിലെ 11,000-ലധികം സര്‍വ്വീസ് സെന്‍ററുകളാണ് ആദ്യം ഈ സംവിധാനം സ്വീകരിക്കുക. ഇതിൽ ഇന്ത്യയും ഉൾപ്പെടുന്നു.
ഇന്ത്യയിലെ സര്‍വ്വീസ് സെന്‍ററുകളില്‍, ഉപഭോക്താക്കൾക്ക് മുമ്പ് കടലാസിൽ നൽകിയിരുന്ന എല്ലാ ഡോക്യുമെന്‍റുകളും ഇപ്പോൾ ഇമെയിലിലൂടെയും വാട്ട്‌സ്ആപ്പിലൂടെയും അവര്‍ ഷെയര്‍ ചെയ്യുന്നു, ഈ പ്രക്രിയയിൽ പ്രതിമാസം 1.5 ദശലക്ഷം A4 സൈസ് പേപ്പർ ഷീറ്റുകൾ ലാഭിക്കുന്നു. സർവീസ് സെന്‍ററുകളിലെ ഇന്‍റേണൽ ഓഫീസ് വർക്ക് ഡോക്യുമെന്‍റുകൾ ഇലക്ട്രോണിക് ഡോക്യുമെന്‍റുകള്‍ ആക്കിയതും ഇതിൽ ഉൾപ്പെടുന്നു.
2021 ജൂലൈയിൽ രാജ്യത്തുടനീളം ആരംഭിച്ച പൈലറ്റ് പ്രോജക്റ്റ് ഇതുവരെ 16 ദശലക്ഷത്തിലധികം A4 പേപ്പർ ഷീറ്റുകൾ ലാഭിച്ചു.
പേപ്പർ ഉപയോഗത്തിലെ ലാഭത്തിന് പുറമെ, സാംസങ് സര്‍വ്വീസ് സെന്‍ററുകളില്‍ ട്രാന്‍സാക്ഷനുകള്‍ വേഗം നടക്കുന്നതും, ഉപഭോക്താക്കളും സര്‍വ്വീസ് എക്സിക്യൂട്ടീവുകളും തമ്മിലുള്ള കോൺടാക്റ്റ്-ലെസ് എക്സ്ചേഞ്ചുമാണ് ഉപഭോക്താക്കള്‍ക്കുള്ള നേട്ടം.
“ഇന്ത്യയിലുടനീളമുള്ള ഞങ്ങളുടെ സര്‍വ്വീസ് സെന്‍ററുകള്‍ ഇപ്പോൾ പരിസ്ഥിതിയോട് നീതി പുലര്‍ത്തുന്ന ഒരു ബദൽ നല്‍കുന്ന പേപ്പർ രഹിത പ്രവർത്തനങ്ങളാണ് പിന്തുടരുന്നത്. ഇത് ഇടപാട് സമയം കുറയ്ക്കുന്നതിനാൽ ഉപഭോക്താക്കൾക്ക് സൗകര്യവും നൽകുന്നു, കൂടാതെ ഫിസിക്കൽ ഡോക്യുമെന്‍റുകൾ ഇനി കരുതേണ്ടതില്ല,” സാംസങ് ഇന്ത്യ കസ്റ്റമർ സർവീസ് വൈസ് പ്രസിഡന്‍റ് സുനിൽ കുടിൻഹ പറഞ്ഞു.
പേപ്പർലെസ് ഡോക്യുമെന്‍റേഷനിലേക്കുള്ള ലോകമെമ്പാടുമുള്ള മാറ്റം സുഗമമാക്കുന്നതിന്, സാംസങ് അതിന്റെ ആഗോള സേവന സംവിധാനമായ ഗ്ലോബൽ സർവീസ് പാർട്ണർ നെറ്റ്‌വർക്ക് (GSPN) അപ്‌ഗ്രേഡ് ചെയ്‌തു, ഇത് ഉപഭോക്താക്കൾക്ക് ലോകമെമ്പാടുമുള്ള വിവിധ ഡിജിറ്റൽ കമ്യൂണിക്കേഷന്‍ സര്‍വ്വീസുകളുടെ പിന്‍ബലമുള്ള ഒരു ഇന്‍റർഫേസിലൂടെ ലഭിക്കുന്ന സേവനത്തിന്‍റെ ഓരോ കാര്യത്തിനും ഇലക്ട്രോണിക് ഡോക്യുമെന്‍റേഷൻ അയയ്‌ക്കാൻ അനുവദിക്കുന്നു. ഈ സുപ്രധാന മാറ്റത്തിലൂടെ, സാംസങ്ങിന്റെ ഉപഭോക്താക്കൾക്ക് അവരുടെ സേവനവുമായി ബന്ധപ്പെട്ട വിവരങ്ങളിലേക്ക് സൗകര്യപ്രദമായ ആക്‌സസ് ലഭിക്കും, അതേസമയം പരിസ്ഥിതിയെ സംരക്ഷിക്കുന്നതിനുള്ള ഒരു ഉദ്യമത്തിന്‍റെ ഭാഗമാകുകയും ചെയ്യാം.
ഈ ആഗോള കാംപെയിനിലൂടെ, ഓരോ വർഷവും ഏകദേശം 6 ദശലക്ഷം ലിറ്റർ വെള്ളം ലാഭിക്കുമെന്നാണ് സാംസങ് പ്രതീക്ഷിക്കുന്നത്. മാത്രമല്ല, ഏകദേശം 526 ടൺ കാർബൺ ബഹിര്‍ഗമനം കുറയുകയും ചെയ്യും, ഇത് 30 വര്‍ഷം പ്രായമായ 61,000 പൈൻ മരങ്ങൾ ആഗിരണം ചെയ്യുന്ന കാർബണിന്‍റെ തോത് ആണ്.
ന്യൂസ്‍റൂം ലിങ്ക്: Samsung Service Centers in India Go ‘Paper-free’, Save Over 16 million Sheets of Paper in 11 Months