ഒരു ലക്ഷത്തിലധികം പ്രീ ബുക്കിംഗുകളുമായി റെക്കോർഡ് സൃഷ്ടിച്ച് എസ് 22

 

സാംസങ് ഇന്ത്യയ്ക്കായി മറ്റൊരു മുൻനിര റെക്കോർഡ് സ്ഥാപിച്ച് ഗാലക്സി എസ്22 സീരീസ്. 1,00,000 പ്രീ-ബുക്കിംഗുകളാണ് കമ്പനി ഇതിനോടകം നേടിയത്. ഫെബ്രുവരി 23 മുതൽ ഇന്ത്യയിൽ ഗാലക്സി എസ്22 സീരീസിനുള്ള പ്രീ-ബുക്കിംഗ് ആരംഭിച്ചിരുന്നു.

"ഗാലക്സി എസ്22 സീരീസിന് ഇത്രയും മികച്ച പ്രതികരണം ലഭിച്ചതിൽ ഞങ്ങൾ ശരിക്കും വിനയാന്വിതരും സന്തുഷ്ടരുമാണ്. മുന്നോട്ട് പോകുമ്പോൾ, ഉപഭോക്താക്കൾക്ക് ഉപകരണം എത്രയും വേഗം എക്സ്പീരിയൻസ് ചെയ്യാനുള്ള ഞങ്ങളുടെ ശ്രമത്തിൽ ഉറച്ച് നിൽക്കുന്നു," സാംസങ് ഇന്ത്യയുടെ സീനിയർ ഡയറക്ടറും പ്രൊഡക്ട് മാർക്കറ്റിംഗ് മേധാവിയുമായ ആദിത്യ ബബ്ബാർ പറഞ്ഞു. 

ഗാലക്സി എസ്22 അൾട്ര മുൻകൂട്ടി ബുക്ക് ചെയ്യുന്ന ഉപഭോക്താക്കൾക്ക് 26999 രൂപ വിലയുള്ള ഗാലക്സി വാച്ച്4 വെറും 2999 രൂപയ്ക്ക് ലഭിക്കും. ഗാലക്സി എസ്22 +, ഗാലക്സി എസ്22  എന്നിവ മുൻകൂട്ടി ബുക്ക് ചെയ്യുന്ന ഉപഭോക്താക്കൾക്ക് 11999 രൂപ വിലയുള്ള ഗാലക്സി ബഡ്സ്2  999 രൂപയ്ക്ക് ലഭിക്കും.
 
കൂടാതെ, ഗാലക്സി എസ്, ഗാലക്സി നോട്ട് സീരീസ് ഉപഭോക്താക്കൾക്ക് 8000 രൂപ അപ്ഗ്രേഡ് ബോണസും മറ്റ് ഉപകരണ ഉടമകൾക്ക് 5000 രൂപയുടെ അപ്ഗ്രേഡ് ബോണസും ലഭിക്കും. പകരം തിരഞ്ഞെടുക്കുന്ന ഉപഭോക്താക്കൾക്ക് സാംസങ് ഫിനാൻസ്+ വഴി ഈ ഉപകരണങ്ങൾ വാങ്ങാൻ 5000 രൂപ ക്യാഷ്ബാക്ക് ലഭിക്കും.
 
ഇന്ത്യയിലെ ഉപഭോക്താക്കൾക്ക്  ഗാലക്സി എസ്22 അൾട്ര, ഗാലക്സി എസ്22 +, ഗാലക്സി എസ്22  എന്നിവ പ്രമുഖ റീട്ടെയിൽ ഔട്ട്ലെറ്റുകൾ, സാംസങ് എക്സ്ക്ലൂസീവ് സ്റ്റോറുകൾ, സാംസങ് ഓൺലൈൻ സ്റ്റോറുകൾ, Amazon.in എന്നിവിടങ്ങളിൽ ഫെബ്രുവരി 23 മുതൽ മാർച്ച് 10 വരെ മുൻകൂട്ടി ബുക്ക് ചെയ്യാം. 2022 മാർച്ച് 11 മുതൽ ഗാലക്സി എസ്22  സീരീസ് വിൽപ്പനയ്ക്കെത്തും.
 
ഗാലക്സി എസ്22  സീരീസ്
സാംസങ് അടുത്തിടെയാണ് ഗാലക്സി എസ്22  അൾട്ര, ഗാലക്സി എസ്22+, ഗാലക്സി എസ്22  എന്നിവ ഇന്ത്യയിൽ അവതരിപ്പിച്ചത്. ഗാലക്സി എസ്22, അൾട്ര നോട്ട് സീരീസിൻ്റെ സമാനതകളില്ലാത്ത ശക്തിയും ഐക്കണിക് എസ് പെൻ-ഉം പ്രോ-ഗ്രേഡ് ക്യാമറയും എസ് സീരീസിന്റെ പ്രകടനവും സമന്വയിപ്പിച്ച് പ്രീമിയം സ്മാർട്ട്ഫോണുകൾക്ക് പുതിയ നിലവാരം സജ്ജമാക്കുന്നു. പാരിസ്ഥിതിക ബോധമുള്ള രൂപകൽപ്പനയിൽ നിർമ്മിച്ച ഗാലക്സി എസ്22, എസ്22+ എന്നിവയ്ക്ക് ഓരോ നിമിഷവും ഐതിഹാസികമാക്കാൻ വിപുലമായ ഇന്റലിജന്റ് ഇമേജ് പ്രോസസ്സിംഗുള്ള ഡൈനാമിക് ക്യാമറകളുണ്ട്.