റെഡ്മി 10 എ, റെഡ്മി 10 പവർ എന്നിവ ഇന്ത്യൻ വിപണിയിൽ
Apr 23, 2022, 15:27 IST
റെഡ്മി 10 എ, റെഡ്മി 10 പവർ എന്നിവ ഷവോമി ഇന്ത്യയിൻ വിപണിയിൽ അവതരിപ്പിച്ചു. ബജറ്റ് സ്മാർട്ട്ഫോണുകൾ എന്ന നിലയില് ഇറങ്ങിയ ഈ രണ്ട് ഫോണുകളും 2020 ൽ പുറത്തിറക്കിയ റെഡ്മി 9 എ, റെഡ്മി 9 പവർ സ്മാർട്ട്ഫോണുകളുടെ പിൻഗാമികളാണ്.റെഡ്മി 10A യുടെ വില 3 ജിബി റാം + 32 ജിബി ഇന്റേണൽ സ്റ്റോറേജ് പതിപ്പിന് 8,499 രൂപയാണ് വില. അതേ സമയം ഇതേ ഫോണിന്റെ 4 ജിബി റാം+ 64 ജിബി ഇന്റേണല് സ്റ്റോറേജ് പതിപ്പിന് 9,499 രൂപയാണ് വില. ഏപ്രിൽ 26 മുതൽ സ്മാർട്ട്ഫോൺ വിൽപ്പനയ്ക്കെത്തും.റെഡ്മി 10 പവർ 8 ജിബി റാമും 128 ജിബി ഇന്റേണൽ സ്റ്റോറേജുമുള്ള ഒരു പതിപ്പായാണ് എത്തുന്നത്. 14,999 രൂപയാണ് വില. സ്മാർട്ട്ഫോണിന്റെ വിൽപ്പന തീയതി ഷവോമി ഇതുവരെ പ്രഖ്യാപിച്ചിട്ടില്ല.