റിയല്‍മി ജിടി 2 ഇന്ത്യയില്‍ എത്തി.!
Apr 23, 2022, 15:46 IST
റിയല്‍മിയുടെ തങ്ങളുടെ പുതിയ പ്രീമിയം ഫോണായ ജിടി 2 ഇന്ത്യയില്‍ എത്തിച്ചു. ഈ സീരീസിലെ വാനില വേരിയന്റാണ് റിയല്‍മി ജിടി 2. ഹൈ-എന്‍ഡ് റിയല്‍മി ജിടി 2 പ്രോയെ അപേക്ഷിച്ച് അല്‍പ്പം കുറഞ്ഞ സ്‌പെസിഫിക്കേഷനുകളാണ് ഇത് നല്‍കുന്നത്. പരിസ്ഥിതി സൗഹൃദ ബയോപോളിമര്‍ മെറ്റീരിയല്‍ ഉപയോഗിച്ച് ജിടി 2 പ്രോയുടെ രൂപകല്പനയോട് സാമ്യമുള്ള ഡിസൈനിലാണ് ജിടി 2 വരുന്നത്. ഇതിന് പുറകിലും അതേ, ആകര്‍ഷകമായ പാറ്റേണ്‍ ഉണ്ട്. സ്‌പെസിഫിക്കേഷനുകള്‍ അനുസരിച്ച്, റിയല്‍മി ജിടി 2 കഴിഞ്ഞ വര്‍ഷത്തെ മുന്‍നിര പ്രോസസറായ ക്വാല്‍കോം സ്‌നാപ്ഡ്രാഗണ്‍ 888 ഉപയോഗിക്കുന്നു, അത് ഇപ്പോഴും ഏറ്റവും വേഗതയേറിയ ഒന്നാണ്.രണ്ട് വേരിയന്റുകളില്‍ റിയല്‍മി ജിടി 2 അവതരിപ്പിച്ചു. 8 ജിബി റാമും 128 ജിബി സ്റ്റോറേജുമുള്ളതിന് 34,999 രൂപയാണ് വില, 12 ജിബി റാമും 256 ജിബി സ്റ്റോറേജുമുള്ള വേരിയന്റിന് 38,999 രൂപയാണ് വില. പേപ്പര്‍ ഗ്രീന്‍, പേപ്പര്‍ വൈറ്റ്, സ്റ്റീല്‍ ബ്ലാക്ക് എന്നീ നിറങ്ങളില്‍ ഫോണ്‍ വരുന്നു.