ഇനി മെസേജ് കൈവിട്ട് പോകുമെന്നു പേടിക്കേണ്ട, വാട്‌സാപ്പ് ഗ്രൂപ്പിലെ സന്ദേശം അഡ്മിന്മാര്ക്ക് ഡിലീറ്റ് ചെയ്യാം
Sep 3, 2022, 14:35 IST
അഡ്മിന്മാര്ക്ക് കൂടുതല്‍ അധികാരം നൽകുന്ന അപ്‌ഡേറ്റുമായി വാട്‌സാപ്പ്. വാട്‌സാപ്പ് ഗ്രൂപ്പുകളില്‍ വരുന്ന സന്ദേശങ്ങള്‍ ഇനി അഡ്മിന്മാര്ക്ക് ഡിലീറ്റ് ചെയ്യാന്‍ സാധിക്കും. ഈ സൗകര്യം അവതരിപ്പിക്കാനൊരുങ്ങുന്നതായി വാട്‌സാപ്പ് നേരത്തെ അറിയിച്ചിരുന്നു. ഇപ്പോള്‍ ഇത് എല്ലാ ഉപഭോക്താക്കള്‍ക്കുമായി ലഭ്യമാക്കിക്കൊണ്ടിരിക്കുകയാണെന്നാണ് റിപ്പോർട്ട്. ഈ സൗകര്യം നിങ്ങളുടെ വാട്ട്സാപ്പിൽ ലഭിക്കുന്നുണ്ടോ എന്നറിയാൻ നിങ്ങള്‍ അഡ്മിന്‍ ആയ ഏതെങ്കിലും ഗ്രൂപ്പില്‍ മറ്റുള്ളവര്‍ അയച്ച സന്ദേശം ഡിലീറ്റ് ചെയ്യാന്‍ ശ്രമിച്ചു നോക്കുക. അതില്‍ ''Delete for everyone'' എന്ന ഓപ്ഷന്‍ കാണുന്നുണ്ടെങ്കില്‍ ഈ സൗകര്യം നിങ്ങള്‍ക്ക് ലഭിച്ചിട്ടുണ്ട് എന്ന് മനസിലാക്കാം.വാട്‌സാപ്പ് ഗ്രൂപ്പുകളിലെ അംഗങ്ങള്‍ അയക്കുന്ന പ്രശ്‌നമുണ്ടാക്കാനിടയുള്ള ഉള്ളടക്കങ്ങള്‍, പബ്ലിക് ഗ്രൂപ്പുകളില്‍ അജ്ഞാതര്‍ അയക്കുന്ന അശ്ലീല സന്ദേശങ്ങള്‍, അംഗങ്ങള്‍ അബദ്ധത്തില്‍ അയച്ചുപോവുന്ന സന്ദേശങ്ങള്‍ എന്നിവയെല്ലാം നീക്കം ചെയ്യാന്‍ അഡ്മിന്മാര്ക്ക് ഈ സൗകര്യം പ്രയോജനപ്പെടുത്തവുന്നതാണ്. അതേസമയം, സന്ദേശം നീക്കം ചെയ്യാൻ രണ്ട് ദിവസത്തെ സമയപരിധിയുണ്ട്.