സഞ്ചാരവേളയിലും പ്രൊക്യുര്‍മെന്‍റ് പരമാവധിയാക്കാന്‍ ആമസോണ്‍ ബിസിനസ്സ് പുതിയ ആന്‍ഡ്രോയിഡ്, iOS ആപ്പ് ലോഞ്ച് ചെയ്തു
ബിസിനസ് കസ്റ്റമേഴ്സിന്‍റെ സംഭരണ അനുഭവം മെച്ചപ്പെടുത്തുന്നതിനായി പ്രത്യേകം ഡിസൈന്‍ ചെയ്ത പുതിയ ആൻഡ്രോയിഡ്, iOS ഒപ്റ്റിമൈസ്ഡ് ആപ്പ് ലോഞ്ച് ചെയ്യുന്നതായി ആമസോൺ ബിസിനസ് പ്രഖ്യാപിച്ചു. ഈ പുതിയ, എക്സ്ക്ലൂസീവ് ആപ്പ് ലോഞ്ച് ചെയ്യുന്നതോടെ, ഉപഭോക്താക്കൾക്ക് ബിസിനസ്സിന് ആവശ്യമായ സാധനങ്ങൾ ഓർഡർ ചെയ്യാൻ ഡെസ്‌ക്‌ടോപ്പ്/ലാപ്‌ടോപ്പ് ആക്സസ് ചെയ്യാൻ കാക്കാതെ എവിടെനിന്നും ബിസിനസ്സ് എക്സ്ക്ലൂസീവ് ഫീച്ചറുകൾ എളുപ്പത്തിൽ ആക്സസ് ചെയ്യാൻ കഴിയും.
ആമസോൺ ബിസിനസ് ആപ്പ് ലോഞ്ച് ചെയ്യുന്നതിന് മുമ്പ്, ബിസിനസ്സ് ഉപഭോക്താക്കൾ ആമസോൺ ആപ്പിൽ നിന്ന് അവരുടെ സ്വകാര്യ അക്കൗണ്ടിൽ നിന്ന് ലോഗ്ഔട്ട് ചെയ്ത്, അവരുടെ മൊബൈലിൽ നിന്ന് ബിസിനസ്സ് പര്‍ച്ചേസിംഗിനായി ആമസോൺ ബിസിനസ്സ് അക്കൗണ്ട് ഉപയോഗിച്ച് ലോഗിൻ ചെയ്യേണ്ടത് ആവശ്യമായിരുന്നു. മാത്രമല്ല, ബിസിനസ്സ് അക്കൗണ്ട്-ഒൺളി ലോഗിൻ, ഉപയോക്താക്കളെ ചേർക്കാനും GSTIN വിശദാംശങ്ങൾ മാനേജ് ചെയ്യാനും പങ്കിട്ട പേയ്‌മെന്‍റുകൾ സെറ്റപ്പ് ചെയ്യാനും ഓർഡറുകൾ അപ്രൂവ് ചെയ്യാനും ബിസിനസ് സെറ്റിംഗ്സിലേക്കുള്ള 1-ക്ലിക്ക് ആക്സസ് പോലുള്ള ബിസിനസ്സ് നിർദ്ദിഷ്ട പ്രവർത്തനങ്ങൾ ഡെസ്‌ക്‌ടോപ്പിൽ/ലാപ്‌ടോപ്പിൽ മാത്രമേ ചെയ്യാൻ കഴിയൂ, അത് ആമസോൺ ഇന്ത്യ ആപ്പ് വഴി ആക്സസ് ചെയ്യാന്‍ കഴിയില്ലായിരുന്നു. പുതുതായി ലോഞ്ച് ചെയ്ത ആപ്പ് ഈ തടസ്സം നീക്കി, ഇപ്പോൾ ബിസിനസ്സ് ഉപഭോക്താക്കളുടെ പ്രത്യേക ആവശ്യങ്ങൾ നിറവേറ്റുന്നു, ഈ ബിസിനസ് ഫീച്ചറുകള്‍ മൊബൈലിൽ നിന്ന് നേരിട്ട് ആക്സസ് ചെയ്യാൻ ഉപഭോക്താക്കളെ അനുവദിക്കുന്നു. ഒരേ ആപ്പില്‍ രണ്ട് അക്കൗണ്ടുകൾ മാറി മാറി ഉപയോഗിക്കേണ്ട ആവശ്യമില്ലാതെ തന്നെ ഉപഭോക്താക്കൾക്ക് ഇപ്പോൾ അവരുടെ ബിസിനസ്സും പേഴ്സണല്‍ ഷോപ്പിംഗും വെവ്വേറെ നിലനിര്‍ത്താം.
ആമസോൺ ബിസിനസ് ആപ്പ് കാര്യക്ഷമത കൂടുതൽ മെച്ചപ്പെടുത്തുകയും സമയബന്ധിതമായി പെന്‍ഡിംഗ് ആക്ഷനുകളിലേക്കും, നിർണായക അറിയിപ്പുകളിലേക്കും ശ്രദ്ധ ആകർഷിക്കുന്ന പുഷ് നോട്ടിഫിക്കേഷന്‍ അലേർട്ടുകളിലൂടെ പ്രവർത്തനങ്ങൾ പൂർത്തിയാക്കാൻ ഉപഭോക്താക്കളെ സഹായിക്കുകയും ചെയ്യുന്നു. ഇൻകമിംഗ് പർച്ചേസ് അഭ്യർത്ഥനകളെക്കുറിച്ച് അറിയിപ്പുകൾ അക്കൗണ്ട് അഡ്‌മിനുകളെ അറിയിക്കുകയും മൊബൈൽ ആപ്പിൽ നിന്ന് നേരിട്ട് ഓർഡറുകൾ അംഗീകരിക്കുകയോ നിരസിക്കുകയോ ചെയ്യാനും ആകർഷകമായ ഓഫറുകൾ കണ്ടെത്താനും നിലവിലെ ഓർഡറുകളുടെ ഡെലിവറി സ്റ്റാറ്റസ് ട്രാക്ക് ചെയ്യാനും അവരെ അനുവദിക്കുന്നു.
ലോഞ്ചിനെക്കുറിച്ച് സംസാരിക്കവെ ആമസോൺ ബിസിനസ് ഡയറക്ടർ സുചിത് സുഭാസ് പറഞ്ഞു, “ആമസോണിൽ ഞങ്ങൾ തുടർച്ചയായി ഇന്നവേറ്റ് ചെയ്യുന്നതിനും ഉപഭോക്താക്കൾക്ക് മികച്ച ഷോപ്പിംഗ് അനുഭവം നൽകുന്നതിനുമുള്ള ഉപഭോക്തൃ പിന്തുണ സമീപനമാണ് പിന്തുടരുന്നത്. ബിസിനസ്സ് ഉപഭോക്താക്കളുടെ ഷോപ്പിംഗ് അനുഭവം കൂടുതൽ സൗകര്യപ്രദവും തടസ്സരഹിതവുമാക്കുന്നതിനുള്ള ഉപാധിയായാണ് ആമസോൺ ബിസിനസ് ആപ്പിന്‍റ് ലോഞ്ച്. പുതുതായി ലോഞ്ച് ചെയ്ത ആമസോൺ ബിസിനസ് ആപ്പ് ഉപയോഗിച്ച്, ആമസോൺ ബിസിനസ്സ് വാഗ്ദാനം ചെയ്യുന്ന മത്സരാധിഷ്ഠിത വിലനിർണ്ണയം, വിപുലമായ ഉൽപ്പന്നങ്ങളിലേക്കുള്ള ആക്സസ്, ബൾക്ക് ഡിസ്‌കൗണ്ടുകൾ, എവിടെയായിരുന്നാലും ബിസിനസ് എക്സ്ക്ലൂസീവ് ഫീച്ചറുകൾ എന്നിങ്ങനെയുള്ള ആനുകൂല്യങ്ങളുടെ നിര വിപുലീകരിക്കാൻ ഞങ്ങൾക്ക് കഴിയും. ഇത് മാത്രമല്ല, സമയബന്ധിതമായ റിമൈൻഡറുകളും അപ്‌ഡേറ്റുകളും കൊണ്ട് പുഷ് നോട്ടിഫിക്കേഷനുകള്‍ വഴി ബിസിനസ്സുകളെ അവരുടെ അനുഭവം കൂടുതൽ ഒപ്റ്റിമൈസ് ചെയ്യാൻ ആപ്പ് സഹായിക്കും, അങ്ങനെ മറ്റ് ജോലികൾക്കായി അവരുടെ സമയം ലാഭിക്കുകയും സംഭരണ പ്രക്രിയ കൂടുതൽ കാര്യക്ഷമമാക്കുകയും ചെയ്യും.”
മാത്രമല്ല, ആവശ്യമായ ഉൽപ്പന്നങ്ങൾ വേഗത്തിൽ കണ്ടെത്താൻ ഉപഭോക്താക്കളെ പ്രാപ്തരാക്കുന്ന ഇമേജ് ആന്‍റ് വോയ്‌സ് സെര്‍ച്ച് ശേഷികള്‍ പോലുള്ള സൗകര്യപ്രദമായ ഫീച്ചറുകള്‍ ആപ്പ് തുടർന്നും നൽകുന്നു. ഉപഭോക്താക്കളുടെ വാങ്ങൽ ചരിത്രം, മുൻഗണനകൾ, അവരുടെ അക്കൗണ്ടുകളിലേക്ക് സ്വയമേവ സേവ് ചെയ്യുന്ന കമ്പനി നയങ്ങൾ എന്നിവയുടെ സമന്വയം അടിസ്ഥാനമാക്കി ആമസോൺ ബിസിനസ്സ് വാങ്ങൽ ലിസ്റ്റുകൾ ഓട്ടോ-പോപ്പുലേറ്റ് ചെയ്യും. അധികം ആലോചിക്കാതെ എല്ലാ ബിസിനസ്സ് ഉപഭോക്താക്കളും ഗൂഗിള്‍ പ്ലേസ്റ്റോര്‍ (ആന്‍ഡ്രോയിഡ്) അല്ലെങ്കില്‍ ആപ്പിള്‍ ആപ്പ് സ്റ്റോര്‍ (iOS) സന്ദർശിച്ച് ആമസോണ്‍ ബിസിനസ്സ് ആപ്പ് ഡൗൺലോഡ് ചെയ്യണം.