തിരൂരില്‍ സ്വകാര്യബസും കാറും കൂട്ടിയിടിച്ച് 16 പേര്‍ക്ക് പരിക്ക്
Apr 3, 2024, 13:47 IST
മലപ്പുറം : സ്വകാര്യബസും കാറും കൂട്ടിയിടിച്ച് തിരൂരില്‍ 16 പേര്‍ക്ക് പരിക്ക് സംഭവിച്ചു. കോഴിക്കോടുനിന്ന് തിരൂരില്‍ ചികിത്സക്കായി എത്തിയവർ സഞ്ചരിച്ച കാറും കുറ്റിപ്പുറത്ത് നിന്ന് തിരൂരിലേക്ക് വരികയായിരുന്ന സ്വകാര്യ ബസുമാണ് കൂട്ടിയിടിച്ചത്. കാർ യാത്രികരായ രണ്ടുപേർക്ക് പരിക്കേൽക്കുകയും അവരെ കോഴിക്കോട് മെഡിക്കല്‍ കോളജ് ആശുപത്രിയില്‍ പ്രവേശിപ്പിക്കുകയും ചെയ്തു. പരിക്കേറ്റ മറ്റുള്ളവർ തിരൂര്‍ ജില്ലാ ആശുപത്രിയില്‍ ചികിത്സയിലാണ്.