വയനാട് കോൺഗ്രസ് സ്ഥാനാർത്ഥിയും സിറ്റിംഗ് എംപിയുമായ രാഹുലിനെതിരെ രൂക്ഷ വിമർശനവുമായി കേന്ദ്രമന്ത്രി സ്മൃതി ഇറാനി
Apr 4, 2024, 15:37 IST
![അമേഠിയിൽ മത്സരിക്കണം; രാഹുലിനെ വെല്ലുവിളിച്ച് സ്മൃതി ഇറാനി](https://timeskerala.com/static/c1e/client/91214/uploaded_original/c6f81353384ad183927e8c4eeb4489df.avif)
വയനാട് കോൺഗ്രസ് സ്ഥാനാർത്ഥിയും സിറ്റിംഗ് എംപിയുമായ രാഹുലിനെതിരെ രൂക്ഷ വിമർശനവുമായി കേന്ദ്രമന്ത്രി സ്മൃതി ഇറാനി. രാഹുൽ, ഭീകര സംഘടനയായ പിഎഫ്ഐ നിരോധിച്ചതിന് ശേഷവും പോപ്പുലർ ഫ്രണ്ടിന്റെ പിന്തുണ സ്വീകരിക്കുന്നത് ഏറെ ഗൗരവകരമായി തന്നെ കണേണ്ടതാണ്. രാഹുലിന്റെ ഈ നീക്കം ഞെട്ടിക്കുന്നതാണെന്നും സ്മൃതി ഇറാനി കൂട്ടിച്ചേർത്തു.
നാമനിർദ്ദേശ പത്രിക നൽകുമ്പോൾ ഭരണഘടനാനുസൃതമായി പ്രവർത്തിക്കുമെന്ന് സ്ഥാനാർത്ഥികൾ പ്രതിജ്ഞയെടുക്കാറുണ്ട്. എന്നാൽ രാഹുൽ, പോപ്പുലർ ഫ്രണ്ട് നേതാക്കളുടെ പിന്തുണ സ്വീകരിച്ചതിലൂടെ ആ പ്രതിജ്ഞയിൽ പോലും വെളളം ചേർത്തിരിക്കുകയാണെന്നും സ്മൃതി ഇറാനി ആരോപിച്ചു.