തിരഞ്ഞെടുപ്പ്: ജീവനക്കാര്‍ക്ക് 3,4 തിയതികളില്‍ പരിശീലനം
Apr 1, 2024, 23:00 IST
ആലപ്പുഴ: ലോക്സഭ തിരഞ്ഞെടുപ്പ് ഡ്യൂട്ടിയ്ക്കായി നിയോഗിച്ചിട്ടുള്ള ആലപ്പുഴ, മാവേലിക്കര മണ്ഡലങ്ങളിലെ ഉദ്യോഗസ്ഥര്‍ക്കുള്ള പരിശീലനം ഏപ്രില്‍ മൂന്ന്, നാല് തിയതികളില്‍ നടക്കും. പരിശീലനത്തിന്റെ ജില്ലാതല ഉദ്ഘാടനം ഗവ. ഗേള്‍സ് എച്ച്. എസ്. എസ്സില്‍ രാവിലെ 10.30-ക്ക് ജില്ല കളക്ടര്‍ അലക്സ് വര്‍ഗീസ് നിര്‍വഹിക്കും. ജില്ലയിലെ ഒമ്പത് കേന്ദ്രങ്ങളില്‍ രാവിലെ 10 മുതല്‍ വൈകീട്ട് അഞ്ച് വരെയാണ് പരിശീലനം നടക്കുക. ഡ്യൂട്ടിയ്ക്കായി നിയോഗിച്ചിട്ടുള്ള എല്ലാ ജീവനക്കാരും പരിശീലനത്തിന് ഹാജരാകണമെന്ന് ജില്ല കളക്ടര്‍ അറിയിച്ചു.