'പോസ്റ്ററുകള്‍ കെട്ടികിടക്കുന്നു'; ബിജെപി കൊല്ലം ജില്ലാ നേതൃത്വത്തിനെതിരെ കൃഷ്ണകുമാര്‍
'പോസ്റ്ററുകള്‍ കെട്ടികിടക്കുന്നു'; ബിജെപി കൊല്ലം ജില്ലാ നേതൃത്വത്തിനെതിരെ കൃഷ്ണകുമാര്‍
കൊല്ലം: ബിജെപി കൊല്ലം ജില്ലാ നേതൃത്വത്തിനെതിരെ പരാതി നൽകി എന്‍ഡിഎ സ്ഥാനാര്‍ത്ഥി ജി കൃഷ്ണകുമാര്‍. ജില്ലാ നേതൃത്വം തിരഞ്ഞെടുപ്പ് പ്രചാരണ പ്രവര്‍ത്തനങ്ങളോട് കൃഷ്ണകുമാറിന്റെ പരാതി സഹകരിക്കുന്നില്ലെന്നാണ് പരാതി. തന്റെ പോസ്റ്ററുകള്‍ കെട്ടിക്കിടക്കുകയാണെന്നും പരാതിയിൽ വ്യതമാക്കുന്നു.
സ്വന്തം നിലയ്ക്ക് താന്‍ അച്ചടിച്ച പോസ്റ്ററുകള്‍ പോലും ജില്ലാ നേതൃത്വം വിതരണം ചെയ്യുന്നില്ല. ഈ നിലയില്‍ മുന്നോട്ട് പോകാനാൻ സാധിക്കില്ലെന്നും പരാതിയിലുണ്ട്. വിഷയത്തില്‍ പ്രശ്‌നപരിഹാരത്തിന് ആര്‍എസ്എസ് നേതൃത്വം ഇടപെട്ടിട്ടുണ്ടെന്നാണ് റിപ്പോർട്ട്.
കൊല്ലം മണ്ഡലത്തിൽ എന്‍ഡിഎയുടെ സ്ഥാനാര്‍ത്ഥിയാണ് നടന്‍ കൂടിയായ കൃഷ്ണകുമാര്‍. ഇതിന് മുൻപ് പ്രചാരണത്തിന്റെ ഭാഗമായി കൊല്ലം ചന്ദനത്തോപ്പ് ഐടിഐയില്‍ എത്തിയ കൃഷ്ണകുമാറിനെ എസ്എഫ്‌ഐ പ്രവര്‍ത്തകര്‍ തടഞ്ഞിരുന്നു. ഏഴ് എസ്എഫ്‌ഐ പ്രവര്‍ത്തകര്‍ക്കെതിരെ സംഭവത്തില്‍ പൊലീസ് കേസെടുക്കുകയും ചെയ്തിരുന്നു.