കാസർഗോഡ് ബിജെപിയിൽ പൊട്ടിത്തെറി; ലോക്സഭ തെരഞ്ഞെടുപ്പിൽ നിന്ന് വിട്ട് നിൽക്കാൻ ആഹ്വാനം

കാസർഗോഡ് ബിജെപിയിൽ പൊട്ടിത്തെറി. ലോക്സഭ തെരഞ്ഞെടുപ്പിൽ നിന്ന് വിട്ട് നിൽക്കാനാണ് പാർട്ടിയിലെ ഒരു വിഭാഗത്തിന്റെ ആഹ്വാനം. ബലിദാനികളെ അപമാനിച്ചവർക്കെതിരെ നടപടി ആവശ്യപ്പെട്ടാണ് ഈ പ്രതിഷേധം.

കാസർഗോഡ് നഗരത്തിൽ വോട്ട് ബഹിഷ്കരിക്കാൻ ആവശ്യപ്പെട്ട്, പ്രവർത്തകർ രഹസ്യയോഗം ചേർന്നു. ബിജെപി കൗൺസിലർമാരുടെ നേതൃത്വത്തിലായിരുന്നു യോഗം നടന്നത്.

ബിജെപി സംസ്ഥാന സെക്രട്ടറി കെ ശ്രീകാന്ത്, മേഖല പ്രസിഡന്റ് സുരേഷ് കുമാർ ഷെട്ടി, ജില്ലാ ജനറൽ സെക്രട്ടറി മണികണ്ഠറായ് എന്നിവർക്കെതിരെ നടപടി വേണമെന്നാണ് ആവശ്യം. തെരെഞ്ഞെടുപ്പിൽ നിന്ന് വിട്ട് നിൽക്കാൻ ആവശ്യപ്പെട്ട് വാട്സ്ആപ് കൂട്ടായ്മയും ആരംഭിച്ചു.