എസ്ഡിപിഐ പിന്തുണ വേണ്ട, കോണ്ഗ്രസിന് മുഖ്യമന്ത്രി സ്റ്റഡി ക്ലാസ് എടുക്കേണ്ടെന്നും വിഡി സതീശൻ
!['കെ ഫോൺ പദ്ധതിയിൽ സിബിഐ അന്വേഷണം വേണം'; വി.ഡി സതീശൻ](https://timeskerala.com/static/c1e/client/91214/uploaded_original/ccd1255e62795368415da479e9f9d9a1.webp)
തിരുവനന്തപുരം: എസ്ഡിപിഐ പിന്തുണ വേണ്ടെന്ന് കോണ്ഗ്രസ്. ഭൂരിപക്ഷ ന്യൂനപക്ഷ വര്ഗീയതകള് ഒരുപോലെയെനന്നായിരുന്നു പ്രതിപക്ഷ നേതാവ് വി.ഡി.സതീശന് പറഞ്ഞത്. എസ്ഡിപിഐ പിന്തുണയിലും ഇതാണ് തങ്ങളുടെ നിലപാടെന്നും, യുഡിഎഫിലും പാർട്ടിയിലും ആലോചിച്ച് എടുത്ത തീരുമാനമാണിതെന്നും സതീശൻ പറഞ്ഞു.
![](https://timeskerala.com/static/c1e/static/themes/16/91214/3752/images/New-Creative-.png)
''പിന്തുണ സ്വീകരിച്ച് കഴിഞ പോലെയാണ് സിപിഎം പ്രതികരിക്കുന്നത്, വോട്ട് ആര്ക്കു വേണമെങ്കിലും ചെയ്യാം, മലപ്പുറത്തെ എല്ഡിഎഫ് സ്ഥാനാർഥിയും എല്ലാവരുടെയും വോട്ട് വേണം എന്നാണ് പറഞ്ഞത്, കോണ്ഗ്രസിന് മുഖ്യമന്ത്രി സ്റ്റഡിക്ലാസ് എടുക്കേണ്ട. അത് എകെജി സെന്ററില് മതി''-സതീശൻ പറഞ്ഞു.
തിരുവനന്തപുരത്ത് യുഡിഎഫ് കണ്വീനര് എം.എം.ഹസനുമൊന്നിച്ച് നടത്തിയ വാര്ത്താസമ്മേളനത്തിലാണ് സതീശന് നിലപാട് വ്യക്തമാക്കിയത്. വോട്ട് ചെയ്യുന്നത് ആളുകളുടെ വ്യക്തിപരമായ കാര്യമാണ്. എല്ലാ ജനവിഭാഗങ്ങളും യുഡിഎഫിന് വോട്ട് ചെയ്യണമെന്നാണ് തങ്ങള് ആഗ്രഹിക്കുന്നത്. എന്നാല് വര്ഗീയ സംഘടനകളുടെ പിന്തുണ തങ്ങള് സ്വീകരിക്കില്ലെന്നും സതീശന് കൂട്ടിച്ചേര്ത്തു.