അവസാനദിനം നാമനിർദ്ദേശ പത്രിക സമർപ്പിച്ച് പ്രമുഖർ
Apr 4, 2024, 16:10 IST
തിരുവനന്തപുരം: ഇന്ന് ലോക്‌സഭാ തെരഞ്ഞെടുപ്പിൽ സമയപരിധി അവസാനിക്കവേ നാമനിർദേശ പത്രിക സമർപ്പിച്ച് വിവിധ മണ്ഡലങ്ങളിലെ പ്രമുഖ സ്ഥാനാർഥികൾ. ഇന്ന് നാമനിർദ്ദേശപത്രിക സമർപ്പിച്ചത് സുരേഷ് ഗോപി, രാജീവ് ചന്ദ്രശേഖർ, കെ. സുരേന്ദ്രൻ, കെ.സി. വേണുഗോപാൽ, ഷാഫി പറമ്പിൽ, എ.എം. ആരിഫ്, സി. കൃഷ്ണകുമാർ, ബൈജു കലാശാല, കൊടിക്കുന്നിൽ സുരേഷ്, ഫ്രാൻസിസ് ജോർജ്, ഹൈബി ഈഡൻ എന്നിവരാണ്. രാവിലെ കളക്ട്രേറ്റിലെത്തി തൃശൂരിലെ എൻ.ഡി.എ. സ്ഥാനാർഥി സുരേഷ് ഗോപി നാമനിർദേശ പത്രിക സമർപ്പിച്ചു. ക്ഷേത്രദർശനം കഴിഞ്ഞ് അയ്യന്തോൾ അമർ ജവാൻ ജ്യോതിയിൽ പുഷ്പാർച്ചനയും നടത്തിയ ശേഷമാണ് റോഡ് ഷോയായി അദ്ദേഹം കളക്‌ടറേറ്റിലെത്തിയത്.