ദിവസവും പിസ്ത കഴിക്കൂ.! ആരോഗ്യം നേടു
പശ്ചിമേഷ്യയില് നിന്നെത്തുന്ന പിസ്ത പോഷകഗുണങ്ങള് ഏറെയുള്ള അണ്ടിപരിപ്പാണ്. പിസ്ത ശരിക്കും ഒരു പഴമാണ് എന്നാല്, പുറം തോട് മാറ്റിയിട്ട് അകത്തുള്ള മഞ്ഞ കുരുമാണ് സാധാരണയായി കഴിക്കുക. അണ്ടിപരിപ്പുകളുടെ എല്ലാ ഗുണങ്ങളും ഇതിനുണ്ട്. പിസ്ത ആരോഗ്യത്തിന് നല്കുന്ന ഗുണങ്ങള് നിരവധിയാണ്.
എല്ലാ ആരോഗ്യപ്രശ്നങ്ങള്ക്കുമുള്ള പ്രതിവിധിയാണ് പിസ്ത. പിസ്തയ്ക്ക് ആരോഗ്യപരമായ ഗുണങ്ങള് മാത്രമല്ല, ചര്മ, മുടി സംബന്ധമായ ഗുണങ്ങളും ഏറെയുണ്ട്. കാത്സ്യം, അയേണ്, സിങ്ക്, മഗ്നീഷ്യം, കോപ്പര്, പൊട്ടാസ്യം എന്നിവ ധാരാളം അടങ്ങിയ ഒന്നാണ് പിസ്ത. ഇത് കൂടാതെ വൈറ്റമിന് എ, ബി 6, വൈറ്റമിന് കെ, സി, ഇ തുടങ്ങിയ ജീവകങ്ങളും ബീറ്റാ കരോട്ടിന്, ഡയറ്റെറി ഫൈബര്, ഫോസ്ഫറസ്, പ്രോട്ടീന്, ഫോളേറ്റ്, തയാമിന് തുടങ്ങിയ ഘടകങ്ങളും പിസ്തയില് ധാരാളം അടങ്ങിയിട്ടുണ്ട്.
പിസ്തയില് അടങ്ങിയിട്ടുള്ള വിറ്റാമിന് ബി രക്തത്തിലെ ഹീമോഗ്ലോബിന്റെ അളവ് കൂട്ടാന് സഹായിക്കും. മസ്തിഷ്കത്തിന്റെ പ്രവര്ത്തനം ശക്തമാക്കും. ഇതിലെ വൈറ്റമിന് ബി രോഗപ്രതിരോധശേഷി കൂട്ടാന് സഹായിക്കുന്നു. ആര്ജിനൈന്, വൈറ്റമിന് ഇ എന്നിവ ഹൃദയാരോഗ്യത്തിന് ഗുണകരമാണ്. ചീത്ത കൊളസ്ട്രോള് കുറയ്ക്കാന് ഏറ്റവും നല്ലതാണ് പിസ്ത.
പിസ്തയിലടങ്ങിയിരിക്കുന്ന ഫോസ്ഫറസ് പ്രോട്ടീനുകളെ അമിനോ ആസിഡുകളാക്കി മാറ്റി ഗ്ലൂക്കോസിന്റെ അളവ് നിലനിര്ത്തും. ചര്മ്മത്തിന്റെ ആരോഗ്യം സംരക്ഷിച്ച് യുവത്വം നിലനിര്ത്താനും ഏറെ നല്ലതാണ് പിസ്ത. പ്രമേഹമുള്ളവര് ദിവസവും രണ്ടോ മൂന്നോ പിസ്ത കഴിക്കാന് ശ്രമിക്കുക. രക്തത്തിലെ പഞ്ചസാരയുടെ അളവ് നിയന്ത്രിക്കാന് പിസ്ത നല്ലതാണ്.
പിസ്ത കഴിച്ചാലുള്ള മറ്റ് ആരോഗ്യ ഗുണങ്ങള്
1. ഹൃദയത്തെ സംരക്ഷിക്കും
2. തടി കുറയ്ക്കും
3.ദഹനസംബന്ധമായ അസുഖങ്ങള് അകറ്റും
4. കാഴ്ച്ച ശക്തി വര്ധിപ്പിക്കും.
5.പ്രതിരോധശേഷി കൂട്ടും
6. ചര്മ്മത്തെ സംരക്ഷിക്കും.