ഹരിഹരന്‍ മാപ്പ് പറഞ്ഞതോടെ പ്രശ്‌നം തീര്‍ന്നുവെന്നും കാലുപിടിക്കാന്‍ വേറെ ആളെ നോക്കണമെന്നും പറഞ്ഞ് കെ.മുരളീധരന്‍
May 14, 2024, 14:54 IST
കോഴിക്കോട്: ആര്‍ എം പി നേതാവ് ഹരിഹരന്‍ നടത്തിയ വിവാദ സ്ത്രീവിരുദ്ധ പരാമര്‍ശം അദ്ദേഹം മാപ്പുപറഞ്ഞതോടെ അവസാനിച്ചെന്ന് കെ.മുരളീധരന്‍. കാലു പിടിക്കാനായി ഇനി വേറെ ആളുകളെ നോക്കിയാല്‍ മതിയെന്നും മുരളീധരൻ പറഞ്ഞു. സി പി എം കോഴിക്കോട് ജില്ലാ സെക്രട്ടറി പി.മോഹനന്‍ ഇത് മാപ്പപേക്ഷയില്‍ അവസാനിക്കില്ലെന്ന് പറഞ്ഞ് മണിക്കൂറുകൾക്കകമാണ് ഹരിഹരന്‍റെ വീടിന് നേർക്ക് ആക്രമണമുണ്ടായതെന്നും ഇനി ബോംബുമായി വരുന്ന പക്ഷം യു ഡി എഫ് സി പി എമ്മിനെതിരേ ശക്തമായി തന്നെ പ്രചാരണം നടത്തുമെന്നും മുരളീധരൻ കൂട്ടിച്ചേർത്തു.