സീബ്രാലൈനില് വച്ച് സ്വകാര്യ ബസ് വിദ്യാര്ഥിനിയെ ഇടിച്ച സംഭവം: ഡ്രൈവര്ക്കെതിരേ കേസെടുത്തു
Jun 10, 2024, 14:15 IST
![അപകടം](https://timeskerala.com/static/c1e/client/91214/uploaded/49d2b21e0e3322841632116b581b6276.jpg)
കോഴിക്കോട്: സ്വകാര്യ ബസ് ചെറുവണ്ണൂരില് സീബ്രാലൈനിലൂടെ റോഡ് മുറിച്ച് കടന്ന വിദ്യാര്ഥിനിയെ ഇടിച്ച് തെറിപ്പിച്ചു. ബസ് ഡ്രൈവര്ക്കെതിരേ സംഭവത്തില് കേസെടുത്തു. ഇയാൾക്കെതിരെ കേസെടുത്തിരിക്കുന്നത് നല്ലളം പോലീസാണ്. കേസ് വാഹനം അലക്ഷ്യമായി ഓടിച്ചതിനാണ്. അപകടമുണ്ടായത് കഴിഞ്ഞ വെള്ളിയാഴ്ചയാണ്. അമിത വേഗതയിലെത്തിയ ബസ് ചെറുവണ്ണൂര് സ്കൂളിന് മുന്ഭാഗത്തുവച്ച് സീബ്രാലൈനിലൂടെ റോഡ് മുറിച്ച് കടക്കുന്ന വിദ്യാര്ഥിനിയെ ഇടിച്ച് തെറിപ്പിക്കുകയായിരുന്നു. ബസിടിച്ചത് കൊളത്തറ സ്വദേശിയായ ഫാത്തിമ റിനയെയാണ്. അത്ഭുതകരമായി അപകടത്തിൽ നിന്ന് രക്ഷപ്പെടുകയായിരുന്നു ഫാത്തിമ. വിദ്യാർത്ഥിനി ഇടിയുടെ ആഘാതത്തില് ബസിനടിയിലേക്ക് വീഴുകയും സ്വയം എഴുന്നേറ്റ് വരികയുമായിരുന്നു. വിദ്യാർത്ഥിനിക്ക് ഗുരുതരമായ പരിക്കുകളില്ല.