സ്ത്രീവിരുദ്ധ പരാമര്ശത്തിൽ ഹരിഹരന് നോട്ടീസ്: ചോദ്യം ചെയ്യലിന് ഹാജരാകണം
May 16, 2024, 14:44 IST
വടകര: ആര് എം പി നേതാവ് കെ.എസ് ഹരിഹരന് സ്ത്രീവിരുദ്ധ പരാമര്ശത്തില് ചോദ്യം ചെയ്യലിന് ഹാജരാകാനാവശ്യപ്പെട്ട് നോട്ടീസ് നൽകി. നിർദേശം വടകര ഇന്സ്പെക്ടര്ക്ക് മുന്നില് വെള്ളിയാഴ്ച രാവിലെ 11ന് ഹാജരാകണമെന്നാണ്. പോലീസ് നേരത്തേ ഹരിഹരന്റെ പ്രസംഗം പരിശോധിച്ചതിന് പിന്നാലെയാണ് നോട്ടീസ് നൽകിയത്. ഹരിഹരന്റെ വിവാദപരാമര്ശം വടകരയില് യു ഡി എഫ് സംഘടിപ്പിച്ച പരിപാടിയിലായിരുന്നു. ഒരു നടിയുടെ പേര് പറഞ്ഞതിന് ശേഷം ടീച്ചറുടെ പോണ് വീഡിയോ ആരെങ്കിലും ഉണ്ടാക്കുമോയെന്നും നടിയുടെ വീഡിയോ ഉണ്ടാക്കുമെന്നാണെങ്കിൽ അത് മനസിലാക്കാമായിരുന്നുവെന്നുമാണ് അയാൾ പറഞ്ഞത്. പിന്നീട് ഹരിഹരൻ ഈ പരാമർശത്തിൽ ഖേദം പ്രകടിപ്പിച്ചിരുന്നു.