സംസ്ഥാനത്ത് ഭരണം ഉണ്ടെങ്കിലല്ലേ ഭരണസ്തംഭനമുണ്ടാകൂവെന്ന് കെ.മുരളീധരന്‍
May 14, 2024, 14:48 IST
കോഴിക്കോട്: മുഖ്യമന്ത്രി വിദേശത്തേയ്ക്ക് പോയത് ആരോടും മിണ്ടാതെയാണെന്നും സംസ്ഥാനത്ത് ഭരണം ഉണ്ടെങ്കിലല്ലേ ഭരണസ്തംഭനമുണ്ടാകൂ എന്നും പറഞ്ഞ് കോണ്‍ഗ്രസ് നേതാവ് കെ.മുരളീധരന്‍. മുഖ്യമന്ത്രി പോയത് വിശ്രമത്തിനാണെങ്കില്‍ പറഞ്ഞിട്ട് പോകാമല്ലോയെന്നും മുരളീധരന്‍ പറഞ്ഞു. മഴ വന്നാലും ചൂടുകൂടിയാലും പരിഹാരം കണ്ടെത്തേണ്ടയാൾ സ്ഥലത്തില്ലെന്നു പറഞ്ഞ മുരളീധരൻ ഓരോരുത്തർ ഓരോ വഴിക്ക് പോവുകയാണെന്നും അറിയിക്കേണ്ട ആരെയും അറിയിക്കുന്നില്ലെന്നും പ്രതികരിച്ചു.