തെരഞ്ഞെടുപ്പില്‍ മത്സരിക്കില്ലെന്നാവർത്തിച്ച് കെ മുരളീധരൻ: സാധാരണ പ്രവര്‍ത്തകനായി തുടരും
Jun 8, 2024, 16:40 IST
കോഴിക്കോട്: കോൺഗ്രസ് നേതാവ് കെ. മുരളീധരന്‍ ഇനി പൊതുതെരഞ്ഞെടുപ്പില്‍ മത്സരിക്കില്ലെന്ന് ആവർത്തിച്ച് രംഗത്ത്. തൽക്കാലത്തേക്ക് പൊതുരംഗത്തേക്കില്ലെന്ന് പറഞ്ഞ മുരളീധരൻ സ്ഥാനാർഥിയായോ പാര്‍ട്ടി നേതൃസ്ഥാനത്തേക്കോ ഇല്ലെന്നും കൂട്ടിച്ചേർത്തു. എന്നാൽ, തദ്ദേശതെരഞ്ഞടുപ്പ് വരുമ്പോള്‍ സജീവമാകുമെന്നും പ്രചാരണ രംഗത്ത് ഉണ്ടാകുമെന്നും അദ്ദേഹം പറയുകയുണ്ടായി. ഇത് കോൺഗ്രസ് പ്രവർത്തകർ ഒരുമിച്ച് നിൽക്കേണ്ട സമയമാണെന്ന് പറഞ്ഞ അദ്ദേഹം അടിയും പോസ്റ്റർ യുദ്ധവും നല്ലതല്ലെന്നും കൂട്ടിച്ചേർക്കുകയുണ്ടായി.