അമിതഭാരം കയറ്റിയ ടിപ്പർ ലോറിയിൽ നിന്ന് കരിങ്കല്ല് തെറിച്ചുവീണു
Apr 4, 2024, 13:11 IST
![കോഴിക്കോട്](https://timeskerala.com/static/c1e/client/91214/uploaded/c6fe26e8f1a87f378ff52c2a42cd217e.jpg)
കോഴിക്കോട്: റോഡരികിലേക്ക് അമിതഭാരം കയറ്റിയ ടിപ്പർ ലോറിയിൽ നിന്ന് കരിങ്കല്ല് തെറിച്ചുവീണു. തലനാരിഴയ്ക്കാണ് അപകടമൊഴിവായത്. സംഭവം നടന്നത് കൂടരഞ്ഞി മേലെ കൂമ്പാറയിലാണ്. കല്ല് വന്നു വീണത് സ്കൂൾ വിദ്യാർഥികളടക്കമുള്ള യാത്രക്കാർ ബസ് കാത്തുനില്ക്കാറുള്ള സ്ഥലത്തിനടുത്താണ്. വൻ അപകടമാണ് ആളുകളുടെയോ വാഹനങ്ങളുടെയോ മേൽ കല്ല് തട്ടാതിരുന്നതിനാൽ ഒഴിവായത്. കൂമ്പാറ മാതാളി ക്വാറിയിൽ നിന്നും കരിങ്കൽ ലോഡുമായി പോകുകയായിരുന്ന ടിപ്പർ ലോറിയിൽ നിന്നാണ് കല്ല് തെറിച്ചു വീണത്. ഇവിടത്തെ ലോറികൾ പോകുന്നത് അമിതഭാരം കയറ്റിയാണെന്നാണ് നാട്ടുകാർ പറയുന്നത്.