കരിപ്പൂരിൽ ഇറങ്ങേണ്ട നാല് വിമാനങ്ങൾ കനത്ത മഴയും മൂടൽമഞ്ഞും കാരണം വഴിതിരിച്ചു വിട്ടു
May 14, 2024, 12:18 IST
കോഴിക്കോട്: കരിപ്പൂര്‍ വിമാനത്താവളത്തില്‍ ഇറങ്ങേണ്ട നാല് വിമാനങ്ങള്‍ കനത്തമഴയും മൂടല്‍മഞ്ഞും കാരണം വഴിതിരിച്ചുവിട്ടു. നെടുമ്പാശേരിയിലേക്കും കണ്ണൂരിലേക്കും കോയമ്പത്തൂരിലേക്കുമാണ് വിമാനങ്ങൾ വഴിതിരിച്ചുവിട്ടത്. ഇതുവരെയും കരിപ്പൂരിൽനിന്നുള്ള ദോഹ, ബഹ്റൈൻ വിമാനങ്ങൾ പുറപ്പെട്ടിട്ടില്ല. ഇന്ന് കരിപ്പൂർ പ്രദേശത്ത് ലഭിച്ചത് ശക്തമായ മഴയാണ്. വിമാനത്താവളത്തിനരികിൽ കനാൽ നിറഞ്ഞതിനെത്തുടർന്ന് വീടുകളുടെ മുറ്റത്ത് വരെ വെള്ളം കയറിയിട്ടുമുണ്ട്.