മന്ത്രി റിയാസ് പെരുമാറ്റച്ചട്ടം ലംഘിച്ചതായി പരാതി നൽകി കോൺഗ്രസ്
Apr 2, 2024, 13:43 IST
കോഴിക്കോട്: പൊതുമരാമത്ത് മന്ത്രി പി.എ മുഹമ്മദ് റിയാസിനെതിരെ തിരഞ്ഞെടുപ്പ് പെരുമാറ്റച്ചട്ടം ലംഘിച്ചെന്ന് കാണിച്ച് കോൺഗ്രസ് പരാതി നൽകി. പരാതിക്കടിസ്ഥാനം കോഴിക്കോട് പാർലമെൻ്റ് മണ്ഡലം എൽ.ഡി.എഫ്. സ്ഥാനാർഥി എളമരം കരീം പങ്കെടുത്ത പരിപാടിയിലെ പ്രസംഗമാണ്. എളമരം കരീം മന്ത്രിയുടെ പ്രസംഗം ചിത്രീകരിച്ച തിരഞ്ഞെടുപ്പ് കമ്മീഷൻ്റെ വീഡിയോഗ്രാഫറെ തടഞ്ഞെന്നും സംഭവത്തിൽ അന്വേഷണം വേണമെന്നും ഈ പരാതിയിൽ പറയുന്നുണ്ട്. കോഴിക്കോട്ട് അന്താരാഷ്ട്രനിലവാരമുള്ള ഒരു സ്റ്റേഡിയം ഉണ്ടാകുമെന്ന് പറഞ്ഞെന്നും മന്ത്രി തിരഞ്ഞെടുപ്പ് പെരുമാറ്റച്ചട്ടം നിലനിൽക്കെ പദ്ധതി പ്രഖ്യാപനം നടത്തിയെന്നുമാണ് പരാതി.