കോട്ടയം ജില്ലയില്‍ 442 പേർക്ക് കോവിഡ്
Jun 15, 2021, 19:04 IST
കോട്ടയം: ജില്ലയില്‍ 442 പേര്‍ക്കു കൂടി കോവിഡ് സ്ഥിരീകരിച്ചു. 437 പേര്‍ക്കും സമ്പര്‍ക്കം മുഖേനയാണ് വൈറസ് ബാധിച്ചത്. ഇതിൽ ഒരു ആരോഗ്യ പ്രവർത്തകനും ഉൾപ്പെടുന്നു.സംസ്ഥാനത്തിനു പുറത്തുനിന്നെത്തിയ അഞ്ച് പേരും രോഗബാധിതരായി. പുതിയതായി 5742 പരിശോധനാഫലങ്ങളാണ് ലഭിച്ചത്.ടെസ്റ്റ് പോസിറ്റിവിറ്റി 7. 69 ശതമാനമാണ്.
രോഗം ബാധിച്ചവരില്‍ 194 പുരുഷന്‍മാരും 200 സ്ത്രീകളും 48 കുട്ടികളും ഉള്‍പ്പെടുന്നു. 60 വയസിനു മുകളിലുള്ള 97 പേര്‍ക്ക് കോവിഡ് സ്ഥിരീകരിച്ചിട്ടുണ്ട്.605 പേര്‍ രോഗമുക്തരായി. 4650 പേരാണ് നിലവില്‍ ചികിത്സയിലുള്ളത്. ഇതുവരെ ആകെ 189808 പേര്‍ കോവിഡ് ബാധിതരായി. 183600 പേര്‍ രോഗമുക്തി നേടി. ജില്ലയില്‍ ആകെ 31500 പേര്‍ ക്വാറന്‍റയിനില്‍ കഴിയുന്നുണ്ട്.