കേരളത്തോടുള്ള കരുതലാണ് രണ്ട് കേന്ദ്രമന്ത്രിമാര് എന്ന് ഓര്ത്തഡോക്സ് സഭ
Jun 11, 2024, 15:27 IST
![ഓർത്തഡോൿസ്](https://timeskerala.com/static/c1e/client/91214/uploaded/26e4fd16025d8dfddaa1e800794eae9a.jpg)
കോട്ടയം: മലങ്കര ഓര്ത്തഡോക്സ് സഭ മൂന്നാം മോദി സര്ക്കാരിനെ അഭിനന്ദിച്ചു. രണ്ടു കേന്ദ്രമന്ത്രിമാർ കേരളത്തോടുള്ള കരുതലാണെന്ന് ആണ് പറഞ്ഞത്. സഭ പുറത്തിറക്കിയ ആശംസാ സന്ദേശത്തില് പറയുന്നത് കേരളത്തിനുള്ള അംഗീകാരമാണ് സുരേഷ് ഗോപിയെയും ജോര്ജ് കുര്യനെയും മന്ത്രിമാരാക്കിയത് എന്നാണ്. നരേന്ദ്ര മോദിക്ക് രാഷ്ട്രപുരോഗതിക്കായുള്ള വികസനപ്രവര്ത്തനങ്ങള്ക്ക് നേതൃത്വം നല്കാന് സാധിക്കട്ടേയെന്നും ഒരുപോലെ തന്നെ എല്ലാ വിഭാഗം ജനങ്ങളെയും കാണാനും അവരുടെ ക്ഷേമം ഉറപ്പുവരുത്താനും കഴിയുന്ന യഥാര്ഥ ഭരണാധികാരിയാകട്ടെയെന്നും സന്ദേശത്തിൽ പറയുന്നു. ഭാരതത്തിന്റെ മുഖമുദ്രയാണ് മതേതരത്വം എന്നും സർക്കാർ മണിപ്പൂരിലുണ്ടായത് പോലെ ഉള്ള കറുത്ത ദിനങ്ങൾ ആവര്ത്തിക്കാതിരിക്കാന് ശ്രമിക്കണമെന്നും സന്ദേശത്തിൽ പറയുന്നുണ്ട്.