തന്‍റെ നമ്പർ ബാര്‍ ഉടമകളുടെ വാട്‌സാപ്പ് ഗ്രൂപ്പിലില്ലെന്ന് പറഞ്ഞ് അര്‍ജുന്‍ രാധാകൃഷ്ണന്‍
Jun 11, 2024, 11:30 IST
കോട്ടയം: തിരുവഞ്ചൂര്‍ രാധാകൃഷ്ണന്‍റെ മകൻ അര്‍ജുന്‍ രാധാകൃഷ്ണൻ എൽ ഡി എഫ് സർക്കാരിനെതിരായ ബാർ കോഴ ആരോപണത്തിൽ ക്രൈംബ്രാഞ്ച് നോട്ടീസ് ലഭിച്ചതിന് പിന്നാലെ പ്രതികരണവുമായി എത്തി. തൻ്റെ നമ്പർ ഇടുക്കിയിലെ ബാര്‍ ഉടമകളുടെ വാട്‌സാപ്പ് ഗ്രൂപ്പില്‍ ഇല്ലെന്നാണ് അർജുൻ പറഞ്ഞത്. കൂടാതെ, പോലീസ് തന്‍റെ ഏത് നമ്പറാണ് ഗ്രൂപ്പില്‍ ഉള്ളതെന്ന കാര്യം വ്യക്തമാക്കണമെന്നും അദ്ദേഹം ആവശ്യപ്പെടുകയുണ്ടായി. ബാറുടമ അസോസിയേഷനില്‍ താൻ അംഗമല്ലെന്ന് പറഞ്ഞ അർജുൻ രാഷ്ട്രീയപ്രേരിതമാണ് തനിക്കെതിരെയുള്ള ആരോപണമെന്നും കൂട്ടിച്ചേർത്തു. അന്വേഷിക്കേണ്ടത് മദ്യനയത്തിലെ ഇളവിന്‍റെ പേരില്‍ പണപ്പിരിവ് നടന്നിട്ടുണ്ടോ എന്നാണ് എന്നും, ഇപ്പോൾ നടക്കുന്നത് അന്വേഷണം വഴിതിരിച്ച് വിടാനുള്ള നീക്കമാണെന്നും അദ്ദേഹം പറഞ്ഞു. അർജുന് അന്വേഷണ സംഘം നോട്ടീസ് നൽകിയത് വെള്ളിയാഴ്ച ക്രൈംബ്രാഞ്ചിന്‍റെ ജവഹര്‍ നഗര്‍ ഓഫീസില്‍ ചോദ്യം ചെയ്യലിന് ഹാജരാകാൻ ആവശ്യപ്പെട്ടാണ്. അന്വേഷണ സംഘം പറയുന്നത് അർജുൻ രാധകൃഷ്ണൻ വിവാദ ശബ്ദരേഖ പുറത്തുവന്ന ബാറുടമകളുടെ വാട്‌സ്ആപ്പ് ഗ്രൂപ്പിന്‍റെ അഡ്മിനായിരുന്നുവെന്നാണ്.