ശരീരത്തിലൂടെ കെ എസ് ആര്‍ ടി സി ബസ് കയറിയിറങ്ങി സ്കൂട്ടർ യാത്രക്കാരിക്ക് ദാരുണാന്ത്യം
Jun 10, 2024, 14:09 IST
കൊല്ലം: ദേഹത്തു കൂടി കെ എസ് ആര്‍ ടി സി ബസ് കയറിയിറങ്ങി സ്കൂട്ടർ യാത്രക്കാരിക്ക് ദാരുണാന്ത്യം. സംഭവം ചിന്നക്കടയിലാണ്. മരിച്ചത് പട്ടത്താനം സ്വദേശി സ്മിത ആണ്. രാവിലെ പത്തോടെ അപകടമുണ്ടായത് ചിന്നക്കടയിലെ ഓവര്‍ബ്രിഡ്ജിന് സമീപമാണ്. സ്‌കൂട്ടറിൻ്റെ നിയന്ത്രണം നഷ്ടപ്പെട്ട് മറിഞ്ഞു വീഴുകയായിരുന്നു സ്മിത. തുടർന്ന് ഇവരുടെ ശരീരത്തിലൂടെ കയറിയിറങ്ങുകയായിരുന്നു പിന്നാലെ വന്ന ബസ്. മരിച്ച സ്മിത കെ എസ് എഫ് ഇ ജീവനക്കാരിയാണ്. സമീപത്തെ ആശുപത്രിയിലേയ്ക്ക് മൃതദേഹം മാറ്റി.