കൊല്ലത്ത് വനിതാ ഡോക്ടർക്ക് മർദനമേറ്റ സംഭവത്തിൽ പരാതി ഒത്തുതീർപ്പാക്കി
May 14, 2024, 13:54 IST
കൊല്ലം: വനിതാഡോക്ടർക്ക് കൊല്ലം ചവറയിൽ മർദനമേറ്റെന്ന പരാതി ഒത്തുതീർപ്പാക്കി. രോഗിയുടെ കൂട്ടിരിപ്പുകാരി ചവറയില്‍ സാമൂഹികാരോഗ്യ കേന്ദ്രത്തിലെ വനിതാ ഡോക്ടറെ മര്‍ദിച്ചെന്നാണ് പരാതി. ഡോക്ടർക്കെതിരെ രോഗിയും ബന്ധുക്കളും നല്‍കിയ പരാതിയും പിന്‍വലിക്കുകയുണ്ടായി. ഡോ. ജാന്‍സി ജെയിംസ് പോലീസില്‍ പരാതി നല്‍കിയത് രാത്രി രോഗിയുടെ ഒപ്പം വന്ന സ്ത്രീ തന്നെ മര്‍ദിച്ചെന്ന് ചൂണ്ടിക്കാട്ടിയാണ്. ഇത് ഒരു കൂട്ടിരിപ്പുകാരിയെ മാത്രമേ രോഗിക്കൊപ്പം അനുവദിക്കാൻ സാധിക്കുകയുള്ളൂവെന്ന് പറഞ്ഞതിനാണ്. തുടർന്ന് ഡോക്ടർ മോശമായി പെരുമാറിയെന്നും ആവശ്യമായ ചികിത്സ നൽകിയില്ലെന്നും പറഞ്ഞ് ഡോക്ടർക്കെതിരെ രോഗിയും ബന്ധുക്കളും പരാതി നൽകി. പിന്നാലെ, പോലീസ് ഇരുകൂട്ടരെയും സ്‌റ്റേഷനിലേക്ക് വിളിച്ചുവരുത്തി പരാതി ഒത്തുതീര്‍പ്പാക്കി.