ബി ജെ പി പ്രാദേശിക വനിതാ നേതാവിന്റെ ആത്മഹത്യയ്ക്ക് പിന്നിൽ ബ്ലേഡ് മാഫിയയെന്ന് ആരോപിച്ച് കുടുംബം
Jun 11, 2024, 11:58 IST
![ബെംഗളരുവിൽ എഞ്ചിനീയറിങ് വിദ്യാർത്ഥിനി ആത്മഹത്യ ചെയ്തു](https://timeskerala.com/static/c1e/client/91214/uploaded_original/d9c0b4f4b082098607e6ed71ad08ab40.webp)
കൊല്ലം: ബി ജെ പി പ്രാദേശിക വനിതാ നേതാവിന്റെ ആത്മഹത്യയ്ക്ക് പിന്നിൽ ബ്ലേഡ് മാഫിയയെന്ന് ആരോപിച്ച് കുടുംബം. പുനലൂരില് ബിജെപിയുടെ പ്രാദേശിക വനിതാ നേതാവ് ജീവനൊടുക്കയ സംഭവത്തിലാണ് കുടുംബം ആരോപണവുമായെത്തിയത്. വീട്ടിനുള്ളില് തൂങ്ങിമരിച്ചത് ശാസ്താംകോണം സ്വദേശിനി ഗ്രീഷ്മ കൃഷ്ണനാണ്. ഇവർ മഹിളാമോര്ച്ച പുനലൂര് മണ്ഡലം സെക്രട്ടറിയായിരുന്നു. ഗ്രീഷ്മ പ്രദേശവാസിയായ പലിശക്കാരനില് നിന്നും ഭര്ത്താവിന്റെ ചികിത്സയ്ക്കായി 15,000 രൂപ വായ്പ വാങ്ങുകയും അഞ്ചിരട്ടി തുക പലിശ ഇനത്തില് ഇത് വീട്ടുന്നതിനു മാത്രം നൽകുകയും ചെയ്തു. ഇവരുടെ ബന്ധുക്കൾ ആരോപിക്കുന്നത് ഇതിനുശേഷവും പണം തിരികെ ചോദിച്ച് പലിശക്കാര് ഭീഷണിപ്പെടുത്തിയിരുന്നതായാണ്. ഗ്രീഷ്മയുടെ സഹോദരൻ പറയുന്നത് ഇവർ ജീവനൊടുക്കിയത് പലിശക്കാരൻ മാനസികമായി പീഡിപ്പിച്ചതിലും പൊതുസ്ഥലത്ത് വച്ച് ആക്ഷേപിച്ചതിലും മനം നൊന്താണ് എന്നാണ്.