തൃപ്പൂണിത്തുറയിൽ അയൽവാസിയുടെ കുത്തേറ്റ് ചികിത്സയിലായിരുന്ന യുവാവ് മരിച്ചു

കൊച്ചി: എറണാകുളം തൃപ്പൂണിത്തുറയിൽ അയൽവാസിയുടെ കുത്തേറ്റ് ചികിത്സയിൽ കഴിഞ്ഞിരുന്നയാൾ  മരിച്ചു. തമിഴ്നാട് സ്വദേശി സുന്ദരനാണ് മരണപ്പെട്ടത്. കഴിഞ്ഞ ബുധനാഴ്ചയാണ് അയൽവാസിയായ മനോജ് സുന്ദരനെ കുത്തിപ്പരിക്കേൽപ്പിച്ചത്. പ്രതി മനോജ് റിമാൻഡിലാണ്. മനോജിന് മാനസികാസ്വാസ്ഥ്യം ഉണ്ടെന്നാണ് പൊലീസ് പറയുന്നത്. കത്രിക കൊണ്ടാണ് സുന്ദരനെ മനോജ് കൊത്തിയത്.