യുവാവിനെ വെട്ടിപ്പരിക്കേല്‍പ്പിച്ച കേസ്: മുഖ്യപ്രതിയെ റിമാന്‍ഡ് ചെയ്തു
May 11, 2024, 19:50 IST
വട്ടിയൂര്‍ക്കാവ്: കാഞ്ഞിരംപാറ കോളനിയില്‍ വിഷ്ണു (അപ്പു) എന്ന യുവാവിനെ വെട്ടിപ്പരിക്കേല്‍പ്പിച്ച കേസിലെ ഒന്നാം പ്രതിയെ വട്ടിയൂര്‍ക്കാവ് പൊലീസ് അറസ്റ്റ് ചെയ്തു. കാഞ്ഞിരംപാറ വി.കെ.പി നഗറില്‍ ടി.സി 7 /323 അംബികഭവനില്‍ നിതീഷിനെ (23-പക്രു) യാണ് അറസ്റ്റ് ചെയ്തത്. പ്രതിയുടെ പിതാവും വിഷ്ണുവും തമ്മില്‍ കോളനിയില്‍ െവച്ച് വാക്കേറ്റം നടന്നിരുന്നതായി പൊലീസ് പറഞ്ഞു. ഇതിലെ വിരോധത്തിലാണ് നിതീഷ് ഉള്‍പ്പെടുന്ന സംഘം മാരകായുധം ഉപയോഗിച്ച് വിഷ്ണുവിന്റെ തലക്ക് വെട്ടിപ്പരിക്കേല്‍പ്പിച്ചത്. കോടതിയില്‍ ഹാജരാക്കിയ പ്രതിയെ റിമാന്‍ഡ് ചെയ്തു.