എം.ഡി.എം.എയുമായി യുവാവ് പിടിയിൽ
![എം.ഡി.എം.എയുമായി യുവാവ് പിടിയിൽ; കൊല്ലം ജില്ലയിൽ വീണ്ടും രാസ ലഹരി വേട്ട](https://timeskerala.com/static/c1e/client/91214/uploaded/ae9c94d10794873fcc0aac7d045b5931.png)
കൊല്ലം: നഗരത്തിൽ കുമാർ ജങ്ഷന് സമീപം പൊലീസ് നടത്തിയ പരിശോധനയിൽ വീണ്ടും രാസ ലഹരിവേട്ട. 13 ഗ്രാം എം.ഡി.എം.എയുമായി യുവാവ് പിടിയിലായി. ചാത്തന്നൂർ മീനാട് പള്ളിവിള പുത്തൻവീട്ടിൽ മുഹമ്മദ് റാഫി (28) ആണ് സിറ്റി ഡാൻസാഫ് സംഘവും കൊല്ലം ഈസ്റ്റ് പൊലീസും സംയുക്തമായി നടത്തിയ പരിശോധനയിൽ പിടികൂടിയത്. വിൽപ്പനക്കായി കടത്തിക്കൊണ്ടുവന്ന 13.1 ഗ്രാം എം.ഡി.എം.എ ഇയാളുടെ പക്കൽ നിന്നു പിടിച്ചെടുത്തു.
![](https://timeskerala.com/static/c1e/static/themes/16/91214/3752/images/New-Creative-.png)
ജില്ല പൊലീസ് മേധാവി വിവേക് കുമാറിന് ലഭിച്ച രഹസ്യ വിവരത്തിന്റെ അടിസ്ഥാനത്തിൽ ഞായറാഴ്ച ഉച്ചയോടെ പൊലീസ് നടത്തിയ പരിശോധനയിലാണ് ഇയാൾ പിടിയിലായത്.
അന്തർസംസ്ഥാന സർവിസ് നടത്തുന്ന ബസിൽ കൊല്ലത്ത് എത്തിയ പ്രതിയെ പൊലീസ് സംഘം പിടികൂടി ദേഹപരിശോധന നടത്തിയപ്പോൾ ഒളിപ്പിച്ച നിലയിൽ മയക്ക് മരുന്ന് കണ്ടെത്തുകയായിരുന്നു.