ലഹരി വസ്തുക്കളുമായി യുവാവ് പിടിയിൽ
![ലഹരി വസ്തുക്കളുമായി യുവാവ് പിടിയിൽ](https://timeskerala.com/static/c1e/client/91214/uploaded/594d4606da45c0ad9304a374614be143.png)
പട്ടിക്കാട്: കുതിരാനിൽ 27 ഗ്രാം എം.ഡി.എം.എയും ഒമ്പത് ഗ്രാം എക്സ്റ്റസി പിൽ ലഹരി ഗുളികയുമായി യുവാവിനെ പിടികൂടി. തൃശൂർ പൂത്തോൾ മാടമ്പി ലെയ്ൻ കുറ്റിച്ചിറ വീട്ടിൽ വിഷ്ണുവിനെയാണ് (26) പൊലീസ് പിടികൂടിയത്. വടക്കാഞ്ചേരി, പാലക്കാട്, പൂത്തോൾ എക്സൈസ് സ്റ്റേഷനുകളിൽ കഞ്ചാവ്, മയക്ക് മരുന്ന് കേസുകളിൽ പ്രതിയാണ് വിഷ്ണു.
![](https://timeskerala.com/static/c1e/static/themes/16/91214/3752/images/New-Creative-.png)
എ.സി.പി മുഹമ്മദ് നദീമിന് കിട്ടിയ രഹസ്യ വിവരത്തിന്റെ അടിസ്ഥാനത്തിൽ പീച്ചി എസ്.ഐ അമീർ അലിയുടെ നേതൃത്വത്തിലുള്ള സംഘമാണ് പ്രതിയെ പിടികൂടിയത്. ബംഗളൂരുവിൽനിന്ന് ലഹരി വസ്തുക്കളുമായി കെ.എസ്.ആർ.ടി.സി ബസിലാണ് ഇയാൾ വന്നത്. കുതിരാനിൽ ചായ കുടിക്കാൻ ഇറങ്ങിയപ്പോഴാണ് പൊലീസ് പിടികൂടിയത്.