ലൈംഗികാതിക്രമം നടത്തിയ യുവാവ് പിടിയില്‍
Feb 13, 2024, 18:23 IST
കരുനാഗപ്പള്ളി: പ്രായപൂര്‍ത്തിയാകാത്ത പെണ്‍കുട്ടിയോട് ലൈംഗികാതിക്രമം നടത്തിയ യുവാവ് പൊലീസ് പിടിയിൽ. തിരുവനന്തപുരം വെടിവെച്ചാംകോവില്‍ ദേവി വിലാസത്തില്‍ കിച്ചാമണി എന്ന സദ്ദാം ഹുസൈനെയാണ് (34) കരുനാഗപ്പള്ളി പോലീസ് പിടികൂടിയത്. പെണ്‍കുട്ടിയുടെ വീട്ടില്‍ തേങ്ങയിടാന്‍ എത്തിയതായിരുന്നു ഇയാള്‍. സമൂഹ മാധ്യമത്തിലെ ദൃശ്യങ്ങള്‍ കാണിച്ച് പെണ്‍കുട്ടിയുമായി അടുപ്പം സ്ഥാപിക്കുകയും പെണ്‍കുട്ടിയുടെ വീടിന് സമീപത്തെ ആള്‍ത്താമസമില്ലാത്ത വീട്ടിൽ കൂട്ടിക്കൊണ്ടുപോയി ലൈംഗികാതിക്രമം നടത്തുകയുമായിരുന്നു. പൊലീസില്‍ പരാതി നല്‍കിയെന്ന് മനസ്സിലാക്കിയ ഇയാള്‍ മൊബൈല്‍ ഓഫ്ചെയ്ത് ഒളിവില്‍ പോയി. കേസ് രജിസ്റ്റര്‍ ചെയ്ത പൊലീസ് ഇയാളെ പത്തനംതിട്ടയിൽ നിന്ന് പിടികൂടുകയായിരുന്നു.