ലോകാവസാനം വരെ ആ നിലപാടിൽ ഉറച്ചുനില്ക്കണമെന്നില്ല: നയം മാറാമെന്ന് വിദ്യാഭ്യാസമന്ത്രി
Feb 9, 2024, 17:41 IST
![ലോകാവസാനം വരെ ആ നിലപാടിൽ ഉറച്ചുനില്ക്കണമെന്നില്ല: നയം മാറാമെന്ന് വിദ്യാഭ്യാസമന്ത്രി](https://timeskerala.com/static/c1e/client/91214/uploaded/729c0ffa3f8575350d489f8de1a69dbf.jpg)
തിരുവനന്തപുരം: ഉന്നതവിദ്യാഭ്യാസ മേഖലയിലെ സ്വകാര്യനിക്ഷേപത്തെ ന്യായീകരിച്ച് വിദ്യാഭ്യാസമന്ത്രി വി. ശിവൻകുട്ടി. വിദ്യാഭ്യാസ മേഖല സംബന്ധിച്ച് ഒരു നിലപാട് സ്വീകരിച്ചാൽ ലോകാവസാനം വരെ അതു തുടരണമെന്നില്ല. കുട്ടികളെല്ലാം വിദേശത്തു പോകുകയാണ്. സർക്കാർ തീരുമാനിച്ചതുകൊണ്ടു മാത്രം അവർ പോകാതിരിക്കുകയില്ലല്ലോ. അവർ ഉദ്ദേശിക്കുന്ന രൂപത്തിലുള്ള കോഴ്സും ജോലിസാധ്യതയും ഇല്ലാത്തതിന്റെ പേരിലാണ് അങ്ങനെയൊരു കൊഴിഞ്ഞുപോക്കിലേക്ക് നീങ്ങിക്കൊണ്ടിരിക്കുന്നത്. അതിനു പരിഹാരം കാണണമെന്നും ശിവൻകുട്ടി പറഞ്ഞു.
ഉന്നത വിദ്യാഭ്യാസത്തിനായി കേരളത്തിലെ കുട്ടികൾ വ്യാപകമായി വിദേശത്തേക്ക് പോകുന്നത് വിദ്യാഭ്യാസ മേഖലയിൽ വിദേശ സ്വകാര്യ നിക്ഷേപം കൊണ്ടുവരാൻ പ്രധാന കാരണമാണെന്നും പറഞ്ഞ മന്ത്രി അതിന് വർത്തമാന കാലത്തിന്റെ ആവശ്യമനുസരിച്ച് പരിഹാരം കാണണമെന്നല്ലാതെ ഒരു നിലപാട് ഏതെങ്കിലുമൊരു കാലഘട്ടത്തിലെടുത്തു എന്നുപറഞ്ഞുകൊണ്ട് ലോകം അവസാനിക്കുന്നതുവരെ ആ നിലപാടിൽ ഉറച്ചുനില്ക്കണമെന്ന് ഒരിടത്തും പറയുന്നില്ലെന്നും കൂട്ടിച്ചേർത്തു.
![](https://timeskerala.com/static/c1e/static/themes/16/91214/3752/images/New-Creative-.png)