തിരുവനന്തപുരം: മലയിൻകീഴിൽ മുപ്പതുകാരിയായ വീട്ടമ്മയെ വീട്ടിനുള്ളിൽ മരിച്ച നിലയിൽ കണ്ടെത്തി. വിളവൂർക്കൽ തെങ്ങത്താംകോട് ശിവശൈലത്തിൽ വിഷ്ണുവിന്റെ ഭാര്യ കാവ്യയാണ് മരിച്ചത്. വൈകുന്നേരം അഞ്ചരയോടെ കുഞ്ഞിന് കുറുക്ക് കൊടുക്കാനെന്ന് പറഞ്ഞ് മുറിയിൽ കയറി വാതിലടച്ച കാവ്യയെ പിന്നീട് ജനലിൽ തൂങ്ങിയ നിലയിൽ കണ്ടെത്തുകയായിരുന്നു.(Woman Commits Suicide In Malayinkeezhu, Thiruvananthapuram)
കാവ്യയെ ഏറെനേരം കഴിഞ്ഞിട്ടും പുറത്തു കാണാത്തതിനെ തുടർന്ന് വിഷ്ണുവിന്റെ അമ്മ ശോഭന വാതിലിൽ മുട്ടിയെങ്കിലും പ്രതികരണമുണ്ടായില്ല. സംശയം തോന്നിയ ഇവർ നാട്ടുകാരെയും ബന്ധുക്കളെയും വിവരമറിയിച്ചു. തുടർന്ന് ആളുകൾ ഒത്തുകൂടി വാതിൽ പൊളിച്ച് അകത്തുകടന്നപ്പോഴാണ് കാവ്യയെ ജനൽ കമ്പിയിൽ തൂങ്ങിയ നിലയിൽ കണ്ടത്.
ഉടൻ തന്നെ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. കടുത്ത സാമ്പത്തിക ബാധ്യതയെത്തുടർന്ന് ഏതാനും മാസങ്ങൾക്ക് മുൻപ് കാവ്യയും ഭർത്താവ് വിഷ്ണുവും ആറും രണ്ടും വയസ്സുള്ള മക്കളോടൊപ്പം നാടുവിട്ടിരുന്നു. തുടർന്ന് ബന്ധുക്കളുടെ പരാതിയിൽ പോലീസ് നടത്തിയ അന്വേഷണത്തിലാണ് ഇവരെ കണ്ടെത്തി തിരികെ വീട്ടിലെത്തിച്ചത്.
Story Summary
A 30-year-old woman named Kavya was found hanging inside her house in Malayinkeezhu, Thiruvananthapuram. The victim, who was reportedly facing severe financial distress, locked herself inside a room under the pretext of feeding her child and ended her life.
