വിവാഹമോചന പരാതിയുമായി ഓഫിസിലെത്തിയ സ്ത്രീയെ പീഡിപ്പിച്ചെന്ന കേസ്; അഭിഭാഷകർക്ക് ജാമ്യം
May 15, 2024, 18:32 IST
![വിവാഹമോചന പരാതിയുമായി ഓഫിസിലെത്തിയ സ്ത്രീയെ പീഡിപ്പിച്ചെന്ന കേസ്; അഭിഭാഷകർക്ക് ജാമ്യം](https://timeskerala.com/static/c1e/client/91214/uploaded/80f108bdd9186e9a2e6a271f45538671.gif)
തലശ്ശേരി: വിവാഹമോചന പരാതിയുമായി ഓഫിസിലെത്തിയ സ്ത്രീയെ പീഡിപ്പിച്ചെന്ന കേസിൽ റിമാൻഡിൽ കഴിയുന്ന തലശ്ശേരി ബാറിലെ രണ്ട് അഭിഭാഷകർക്ക് സുപ്രീം കോടതി ജാമ്യം അനുവദിച്ചു. അഡ്വ. എം.ജെ. ജോൺസൺ, അഡ്വ. കെ.കെ. ഫിലിപ്പ് എന്നിവർക്കാണ് ജാമ്യം അനുവദിച്ചത്. പീഡിതയെയോ സാക്ഷികളെയോ സമീപിക്കാനോ സ്വാധീനിക്കാനോ പാടില്ലെന്ന ഉപാധികളോടെയാണ് അഭിഭാഷകർക്ക് ജാമ്യം അനുവദിച്ചത്. മേയ് ആറിനാണ് അഭിഭാഷകർ അറസ്റ്റിലായത്.
പ്രോസിക്യൂഷന്റെ വാദം കേട്ടശേഷം കീഴ്കോടതിക്ക് ജാമ്യവ്യവസ്ഥകൾ തീരുമാനിക്കാം. കേസുമായി ബന്ധപ്പെട്ട് 2023ൽ അഭിഭാഷക ഓഫിസിലെത്തിയ കോഴിക്കോട് സ്വദേശിനിയെ ഓഫിസിലും വീട്ടിലും വെച്ച് പീഡിപ്പിച്ചെന്നാണ് അഭിഭാഷകർക്കെതിരെയുള്ള കേസ്.