ഫെബ്രുവരി 13ലെ കടയടപ്പ് സമരത്തിൽ പങ്കെടുക്കില്ല; എസ്.എസ്. മനോജ്
Feb 10, 2024, 20:55 IST
![ഫെബ്രുവരി 13ലെ കടയടപ്പ് സമരത്തിൽ പങ്കെടുക്കില്ല; എസ്.എസ്. മനോജ്](https://timeskerala.com/static/c1e/client/91214/uploaded/2ff34bd8ecfcbcb264235988634c43e8.webp)
തിരുവനന്തപുരം: ഫെബ്രുവരി 13ന് പ്രഖ്യാപിച്ച കടയടപ്പ് സമരത്തിൽ ഒരുവിഭാഗം വ്യാപാരികൾ പങ്കെടുക്കില്ലെന്ന് എസ്. എസ്. മനോജ്. മുഖ്യധാര രാഷ്ട്രീയ പാർട്ടികൾ പോലും ഹർത്താൽ പ്രഖ്യാപനങ്ങളിൽ നിന്നു പിൻവാങ്ങുമ്പോൾ രാഷ്ട്രീയ പ്രേരിതം എന്ന് പരക്കെ ആക്ഷേപമുയർന്ന കടയടപ്പ് സമരം പ്രഖ്യാപിച്ച ഒരു വിഭാഗം വ്യാപാര സംഘടനാ നേതാക്കൾ ചില സ്വാർഥ താൽപര്യങ്ങളുടെ പിടിയിലമർന്നിരിക്കുകയാണെന്ന് അദ്ദേഹം പറഞ്ഞു.
വലിയ തകർച്ച നേരിടുന്ന ചെറുകിട ഇടത്തരം റീട്ടെയിൽ വ്യാപാര സ്ഥാപനങ്ങളിൽ നിന്ന് ഉപഭോക്താക്കളെ അകറ്റി കുത്തക മാളുകളിലേക്കും ഓൺലൈൻ വിപണിയിലേക്കും പറഞ്ഞു വിടുന്ന കടയടപ്പ് പോലുള്ള പ്രാകൃത സമര രീതിയിൽ പങ്കെടുക്കേണ്ട എന്ന് തീരുമാനിച്ചതായി സംഘടന അറിയിച്ചു. ഇത്തരത്തിൽ വ്യാപാരി വിരുദ്ധവും ജനദ്രോഹപരവുമായ സമര പരിപാടികളിൽ നിന്ന് പിന്മാറണമെന്നും മനോജ് ആവശ്യപ്പെട്ടു.
![](https://timeskerala.com/static/c1e/static/themes/16/91214/3752/images/New-Creative-.png)