കനത്ത വേനലിൽ ആശ്വാസമാകുമോ.? വേനൽ മഴ ഇന്നെത്തുമെന്ന് പ്രവചനം
Apr 1, 2024, 13:04 IST
തിരുവനന്തപുരം : കനത്ത വേനലിൽ ആശ്വാസമായി വേനൽ മഴ ഇന്നെത്തു ഇന്നെത്തുമെന്ന് കാലാവസ്ഥ പ്രവചനം. തിരുവനന്തപുരം, പത്തനംതിട്ട, എറണാകുളം, ഇടുക്കി ജില്ലകളിലാണ് ഇന്ന് മഴയ്ക്ക് സാധ്യതയെന്ന് കാലാവസ്ഥാ വകുപ്പ് അറിയിച്ചിരിക്കുന്നത്. അടുത്തദിവസം ഏഴ് ജില്ലകളിലും മറ്റന്നാൾ ഒന്പത് ജില്ലകളിലുമാണ് കേന്ദ്ര കാലാവസ്ഥ വകുപ്പ് മഴ സാധ്യത പ്രവചിച്ചിട്ടുള്ളത്.ചൊവ്വാഴ്ച തിരുവനന്തപുരം, കൊല്ലം, പത്തനംതിട്ട, ആലപ്പുഴ കോട്ടയം, എറണാകുളം, ഇടുക്കി ജില്ലകളിലാണ് മഴ സാധ്യതയുള്ളത്. ബുധനാഴ്ച തിരുവനന്തപുരം, കൊല്ലം, പത്തനംതിട്ട, ആലപ്പുഴ കോട്ടയം, എറണാകുളം, ഇടുക്കി, വയനാട്, കോഴിക്കോട് ജില്ലകളിലാണ് കാലാവസ്ഥ വകുപ്പിന്‍റെ മഴ പ്രവചനം.