വയനാട്ടിലെ കാട്ടാന ആക്രമണം; മുഖ്യമന്ത്രി ഉന്നതലയോഗം വിളിച്ചു
തിരുവനന്തപുരം: വയനാട്ടിലെ കാട്ടാന ആക്രമണം തുടർക്കഥയാകുന്നു പശ്ചാത്തലതത്തില്‍ ഉന്നതലയോഗം വിളിച്ച് മുഖ്യമന്ത്രി പിണറായി വിജയന്‍. ഉന്നതലയോഗത്തില്‍ വനമന്ത്രിയും എംഎൽഎമാരും ഉന്നത ഉദ്യോഗസ്ഥരും പങ്കെടുക്കും. വയനാട്ടില്‍ തുടരുന്ന വന്യജീവി ആക്രമണത്തില്‍ സര്‍ക്കാരിനെതിരെ കടുത്ത വിമര്‍ശനം ഉയരുന്ന സാഹചര്യത്തിലാണ് മുഖ്യമന്ത്രി ഉന്നതലയോഗം വിളിച്ചത്.
അതേസമയം കോഴിക്കോട് മലയങ്ങാട് ജനവാസമേഖലയില്‍ ഒറ്റയാന്‍ ഇറങ്ങി ജനങ്ങൾക്കിടയിൽ ഭീതി പടർത്തി. രാവിലെ ഏഴോടെയാണ് ഇവിടെ ആന എത്തുന്നത്. നിലവില്‍ കാട്ടാന പ്രദേശത്തെ ഒരു കൃഷിസ്ഥലത്ത് നിലയുറപ്പിച്ചിരിക്കുകയാണ്. ആദ്യം ഒരു കടയുടെ സമീപമെത്തിയ ആന പിന്നീട് റോഡിലൂടെ നടന്ന് കൃഷി സ്ഥലത്തേക്ക് നീങ്ങുകയായിരുന്നു. വിവരം അറിഞ്ഞ് വനംവകുപ്പ് അധികൃതര്‍ എത്തിയിട്ടുണ്ട്.