കാട്ടുപന്നി ഇടിച്ച് അപകടം; ബൈക്ക് യാത്രികന് പരിക്ക്
Updated: Nov 22, 2021, 10:58 IST
ആര്യങ്കാവ്: കാട്ടുപന്നി ഇടിച്ച് അപകടം. ബൈക്ക് യാത്രികന് സാരമായി പരിക്കേറ്റു. കഴുതുരുട്ടി ആനചാടി സ്വദേശി അശോകന് എന്നയാള്ക്കാണ് അപകടത്തിൽ പരിക്കേറ്റത്. ജോലി കഴിഞ്ഞു വീട്ടിലേക്ക് മടങ്ങവേയാണ് അപകടം . ഞായറാഴ്ച രാത്രി ഏഴോടെയാണ് അപകടം ഉണ്ടായത്.കഴുതുരുട്ടി തകരപ്പാറ പാതയില് റബര് തോട്ടത്തില് നിന്നും കൂട്ടമായി എത്തിയ കാട്ടുപന്നികള് അശോകനെ ബൈക്ക് ഉള്പ്പടെ ഇടിച്ചു നിലത്തിടുകയായിരുന്നു.കാലിന് പരിക്കേറ്റ അശോകന് പുനലൂര് താലൂക്ക് ആശുപത്രിയില് ചികിത്സയിലാണ്.