പന്ത് എടുക്കാൻ ശ്രമിക്കുന്നതിനിടെ കാൽ വഴുതി കിണറ്റിൽ വീണു; വിദ്യാർഥി മരിച്ചു
May 1, 2024, 18:30 IST
![പന്ത് എടുക്കാൻ ശ്രമിക്കുന്നതിനിടെ കാൽ വഴുതി കിണറ്റിൽ വീണു; വിദ്യാർഥി മരിച്ചു](https://timeskerala.com/static/c1e/client/91214/uploaded/9d38fb4cf627b1d787db9c055fb43c4d.webp)
കോട്ടയം: കളിക്കിടെ വീണ പന്ത് എടുക്കാൻ ശ്രമിക്കുന്നതിനിടെ വിദ്യാർഥി കാൽ വഴുതി കിണറ്റിൽ വീണ് മരിച്ചു. കുടക്കച്ചിറ സെന്റ് ജോസഫ് എൽപി സ്കൂൾ നാലാം ക്ലാസ് വിദ്യാർഥിയും വല്ലയിൽ ഓന്തനാൽ ബിജു പോളിന്റെ മകനുമായ ലിജു (10) ആണ് മരിച്ചത്.
ഉച്ചയോടെയായിരുന്നു സംഭവം നടന്നത്. കിണറ്റിൽ വീണ കുട്ടിയെ ഉടൻ തന്നെ നാട്ടുകാർ രക്ഷിച്ച് ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. പോലീസ് സ്ഥലത്തെത്തി മേൽ നടപടികൾ സ്വീകരിച്ചു.
![](https://timeskerala.com/static/c1e/static/themes/16/91214/3752/images/New-Creative-.png)