എടവരാട് വീണ്ടും വാഹനങ്ങൾ തീയിട്ട് നശിപ്പിച്ചു
Jan 30, 2024, 20:52 IST
പേരാമ്പ്ര: ഒരാഴ്ചക്കിടെ രണ്ടാംതവണയും എടവരാട് വാഹനങ്ങള്‍ക്ക് തീയിട്ടു നശിപ്പിച്ചു. ഞായറാഴ്ച പുലര്‍ച്ച രണ്ടു മണിയോടെ കൊയിലോത്ത് ഷിബിന്റെ ബൈക്കും കൊയിലോത്ത് മോഹനന്റെ ഓട്ടോറിക്ഷയുമാണ് കത്തി നശിച്ചത്. വീട്ടുമുറ്റത്ത് നിർത്തിയിട്ട വാഹനങ്ങൾ തള്ളി കുറച്ച് ദൂരത്തേക്ക് കൊണ്ടുവന്നാണ് അഗ്നിക്കിരയാക്കിയത്. ഇരു വാഹനങ്ങളും പൂർണമായി കത്തിനശിച്ചു. കഴിഞ്ഞ 21ന് മഞ്ചേരിക്കുന്ന് മുക്കള്ളിൽ സക്കീർ, കളരിപ്പറമ്പിൽ അതുൽരാജ് എന്നിവരുടെ വാഹനങ്ങളും നശിപ്പിച്ചിരുന്നു.